2023-12-06 11:09:44, 1428 ნახვა
სამართალი
19 წლის გოგოს გატაცების ბრალდებით პოლონეთში საქართველოს 3 მოქალაქე დააკავეს
19 წლის გოგოს გატაცების ბრალდებით პოლონეთში საქართველოს 3 მოქალაქე დააკავეს. აღნიშნულის შესახებ განცხადებას პოლონეთის პოლიცია ავრცელებს.
პოლონეთის პოლიციის ცნობით, პარასკევს, 1-ელ დეკემბერს საქართველოს 43 წლის მოქალაქე სკიერნიევიცის პოლიციის განყოფილებაში გამოცხადდა და განაცხადა, რომ მისი 19 წლის ქალიშვილი სამმა ქართველმა გაიტაცა.
"ახალგაზრდა ქალი კაცებმა ძალით წაიყვანეს მისი საცხოვრებელი ადგილიდან სკიერნიევიცეში. პოლიციამ გოგონა სკიერნიევიციდან 180 კილომეტრში, ვირუსოვის რაიონში იპოვა. მამაკაცებს ქალისთვის თავისუფლების აღკვეთა ედებათ ბრალად და მათ 5 წლამდე პატიმრობა ემუქრებათ. ისინი უახლოეს 3 თვეს პატიმრობაში გაატარებენ", - ნათქვამია პოლონეთის პოლიციის განცხადებაში.
ავტორი: ექსპრესნიუსი,
epn.ge (@expressnews.ge)
