იურიდიულ პირებს მთლიანად შეეზღუდებათ შემოწირულობების გაღება პარტიების მიმართ - ეს ერთი და მეორე - მშპ-სთან ფარდობა წლის განმავლობაში ხარჯისა კიდევ უფრო დაიწევს,- ამის შესახებ პარლამენტის თავმჯდომარემ, შალვა პაპუაშვილმა პარტიების დაფინანსების ცვლილებასთან დაკავშირებით განაცხადა.

როგორც პაპუაშვილმა მედიის წარმომდგენლებს უთხრა, ცვლილებებთან დაკავშირებით ოპოზიცია ინფორმირებული იყო და მათ აღნიშნულ საკითხთან დაკავშირებით კრიტიკული მოსაზრება არ გამოუთქვამთ.

"შარშან ეს შეფარდება მშპ-სთან 0,1-დან დავწიეთ 0,05-მდე და ახლა პროექტის იდეა არის, რომ დაიწიოს კიდევ 0,01-ით და 0,04 იყოს. რაც შეეხება იურიდიული პირების მხრიდან დაფინანსების აკრძალვას, ეს გახლავთ ხანგრძლივი რეკომენდაცია, რომელიც იყო ვენეციის კომისიის ან ეუთოს ფარგლებში, მათ შორის ახლაც, ბოლო დასკვნაზე, რომელიც შეეხებოდა "დეოლიგარქიზაციის შესახებ" კანონპროექტს, არის ეს რეკომენდაცია გაცემული.

გამიკვირდა ზოგიერთი ოპოზიციური პარტიის განცხადება, რომ თითქოს, ეს ცვლილება არის მიმართული ოპოზიციის წინააღმდეგ და ა.შ... შევთანხმდით და ამასთან დაკავშირებით კრიტიკული მოსაზრება არავის არ ჰქონია. გასაგებია, რომ საჯაროდ, ტელევიზიების წინ ისინი ცდილობენ, მსხვერპლად წარმოაჩინონ საკუთარი თავი",- თქვა პაპუაშვილმა.

ავტორი: ექსპრესნიუსი,

სოციალური ქსელები

ტრამპმა თეთრი სახლის ახალი პრესმდივანი დანიშნა

ჟაპორეჟიაში რუსულა ავიაბომბამ რვა ადამიანის სიცოცხლე იმსხვერპლა აქედან 3 ბავშვია

აშშ უკრაინას დაზვერვის შეწყვეტით დაემუქრა, რუსეთის ნავთობგადამამუშავებელ ქარხნებზე თავდასხმების გამო - Axios

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია