ლავროვი 2008 წლის ომზე - პროვოკაცია აშშ-მა მოამზადა - რაც ვაშინგტონმა სააკაშვილს ასწავლა, მან მორჩილად შეასრულა

2023-11-30 17:06:00, 961 ნახვა

პოლიტიკა

სააკაშვილმა 2008 წლის აგვისტოში ბრძანება გასცა, დაებომბათ სამხრეთ ოსეთში ქალაქები, ცეცხლი გაეხსნათ სამშვიდობოებისთვის, რომლებიც იქ იდგნენ ეუთოსთან შეთანხმებით. ეს პროვოკაცია აშშ-მა მოამზადა, რომელმაც საქართველოში ჩაუშვა პროგრამა "გაწვრთენი და აღჭურვე" - რაც ასწავლა ვაშინგტონმა, სააკაშვილმა მორჩილად შეასრულა, - ამის შესახებ რუსეთის საგარეო საქმეთა მინისტრმა, სერგეი ლავროვმა სკოპიეში, ეუთოს მინისტერიალზე სიტყვით გამოსვლისას განაცხადა.

ლავროვის თქმით, საქართველოს მესამე პრეზიდენტმა, მიხეილ სააკაშვილმა, რომელიც ხელისუფლებაში დასავლეთის მიერ მხარდაჭერილი "ვარდების რევოლუციით" მოვიდა, ბუქარესტში მიცემული კარტბლანში სრულად შეასრულა.

"NATO-ს ქვეყნებმა, რომლებიც არიან ეუთოს შემადგენლობაში, ბუქარესტის სამიტზე 2008 წელს თბილისი და კიევი შემოიტყუეს NATO-ს წევრობის დაპირებით, მიზანი იყო ძალიან მარტივი - აემხედრებინათ რუსეთის წინააღმდეგ.

სააკაშვილმა, რომელიც ხელისუფლებაში მოვიდა დასავლეთის მიერ მხარდაჭერილი "ვარდების რევოლუციით", ბუქარესტში მიცემული კარტბლანში სრულად შეასრულა. 2008 წლის აგვისტოში ბრძანება გასცა, დაებომბათ სამხრეთ ოსეთში ქალაქები, ცეცხლი გაეხსნათ სამშვიდობოებისთვის, რომლებიც იქ იდგნენ ეუთოსთან შეთანხმებით. ეს პროვოკაცია აშშ-მა მოამზადა, რომელმაც საქართველოში ჩაუშვა პროგრამა "გაწვრთენი და აღჭურვე" - რაც ასწავლა ვაშინგტონმა, სააკაშვილმა მორჩილად შეასრულა", - განაცხადა ლავროვმა, რომელიც სკოპიეში, ეუთოს მინისტერიალზე ჩრდილოეთ მაკედონიის მიწვევით იმყოფება.

აღსანიშნავია, რომ ამავე მინისტერიალს საქართველოს საგარეო საქმთა მინისტრი ილია დარჩიაშვილიც ესწრება. ლავროვის მიწვევის გამო კი, ბალტიის ქვეყნებმა და უკრაინამ სამიტში მონაწილეობაზე უარი თქვეს.

ცნობისთვის, ეუთოს მინისტერიალი ჩრდილოეთ მაკედონიის დედაქალაქ სკოპიეში 30 ნოემბრიდან 1-ელ დეკემბრამდე იმართება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,