საზოგადოებამ კარგად უნდა იცოდეს, რომ ამ ორი დღის განმავლობაში მიმდინარეობს ნიკა მელიას საარჩევნო შტაბის თუ ცალკეული წარმომადგენლების ორკესტრირებული კამპანია, რომელსაც არანაირ შედეგი არ ექნება, - ამის შესახებ "ერთიანი ნაციონალური მოძრაობის“ პოლიტსაბჭოს თავმჯდომარემ, ლევან ბეჟაშვილმა განაცხადა.

როგორც ბეჟაშვილი აღნიშნავს, პარტიის თავმჯდომარის, ლევან ხაბეიშვილის გადადგომისკენ მოწოდებები პარტიის წინააღმდეგაა მიმართული და "ქართული ოცნების“ "ინტერესებს ეთამადება".

„საზოგადოებამ კარგად უნდა იცოდეს, რომ ამ ორი დღის განმავლობაში მიმდინარეობს ნიკა მელიას საარჩევნო შტაბის თუ ცალკეული წარმომადგენლების ორკესტრირებული კამპანია, რომელსაც არანაირ შედეგი არ ექნება. მართლა წარმოუდგენელია, რომ ამ ადამიანებს ზოგიერთი მეორედ და მესამედ აკეთებენ ამგვარ განცხადებებს, რაც "ერთიანი ნაციონალური მოძრაობის“ პარტიის წინააღმდეგ არის მიმართული და ბუნებრივია, ეხმიანება და ეთამადება „ქართული ოცნების“ ინტერესებს პირდაპირ. ამიტომ, მნიშვნელოვანია ყველამ კარგად იცოდეს, რომ არჩევნები აუცილებლად ჩატარდება "ერთიან ნაციონალურ მოძრაობაში“ და არჩევნები ჩატარდება წესდებით განსაზღვრულ ვადაში, ერთი წლის შემდეგ, 2025 წლის იანვარში...

მოვუწოდებთ ნიკა მელიას, დამარცხებული კანდიდატების საარჩევნო შტაბის წარმომადგენლებს, რომ შეწყვიტონ მსგავსი აღვირახსნილი კამპანია "ნაციონალური მოძრაობის“ წინააღმდეგ",- განაცხადა ლევან ბეჟაშვილმა.

შეგახსენებთ, რომ "ერთიანი ნაციონალური მოძრაობის" თავმჯდომარეს, ლევან ხაბეიშვილს თანამდებობის დატოვებისკენ პარტიის წევრმა, გიორგი მუმლაძემ მოუწოდა.

მოგვიანებით, აღნიშნულ მოწოდებას "ერთიანი ნაციონალური მოძრაობის" ზუგდიდის,ხობისა და ჭიათურის მუნიციპალიტეტების საკრებულოების ფრაქციების თავმჯდომარეები, წევრები და თანამშრომლებიც შეუერთდნენ.

ავტორი: ექსპრესნიუსი,

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ