"ნაცმოძრაობის" მხრიდან ვარდების რევოლუციის იუბილეს აღნიშვნა არის თავხედობა და მეტი არაფერი,- ამის შესახებ "ქართული ოცნების" თავმჯდომარე ირაკლი კობახიძე აცხადებს.

როგორც მმართველი პარტიის ლიდერმა ჟურნალისტებთან საუბრისას აღნიშნა, ვარდების რევოლუციის შედეგებს "უამრავი ადამიანი ფიზიკურად შეეწირა".

"ვარდების რევოლუციამ ქვეყანას მოუტანა შემდეგი: ეს იყო ადამიანების უფლებების ხელყოფის სისტემური პრაქტიკა, ადამიანების წამების სისტემური პრაქტიკა, ბიზნესის რეკეტის სისტემური პრაქტიკა, ტელევიზიების მიტაცება და სრული მონოპოლიზაცია, საქართველოს ტერიტორიების 20%-ის გადაცემა რუსეთის ფედერაციისთვის, არჩევნების ტოტალური გაყალბება და ძალიან გრძელი სიაა.

უამრავი ადამიანი ფიზიკურად შეეწირა ვარდების რევოლუციის შედეგებს. ასეთ დროს, "ნაცმოძრაობის" მხრიდან ვარდების რევოლუციის იუბილეს აღნიშვნა არის, კიდევ ერთხელ გავიმეორებ, უბრალოდ თავხედობა და მეტი არაფერი",- თქვა კობახიძემ.

ცნობისთვის, "ერთიან ნაციონალურ მოძრაობაში" აცხადებენ, რომ ვარდების რევოლუციის 20-წლისთავთან დაკავშირებით "დიდ შეკრებას" აპირებენ.

ავტორი: ექსპრესნიუსი,

სოციალური ქსელები

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ

კობახიძე - ორმაგი სტანდარტებით გამოირჩევა ევროპული ბიუროკრატია

კობახიძე გამოუვალ მდგომარეობაზე - ზედიზედ მეორედ მიიწვიეს ისეთი შემსრულებელი, რომელიც გამოირჩევა ჩვენი მხარდამჭერების მიმართ შეურაცხმყოფელი განცხადებებით

კობახიძე - ძალადობრივი აქციები, რაც ვიხილეთ 2024 წელს, მანამდე რამდენიმე წლის განმავლობაში, იყო ინსტრუმენტი იმისა, რომ დაებრუნებინათ ხელისუფლებაში სისხლიანი პოლიტიკური ძალა