2023-09-20 15:44:10, 901 ნახვა
სამართალი
7 ნოემბრის საქმის განხილვა სასამართლოში ხელახლა დაიწყება
თბილისის საქალაქო სასამართლოს მოსამართლეთა კოლეგიის გადაწყვეტილებით, 7 ნოემბრის საქმის განხილვა ხელახლა დაიწყება.
აღნიშნულთან დაკავშირებული შუამდგომლობა მესამე პრეზიდენტის, მიხეილ სააკაშვილის ადვოკატებმა დღევანდელ სასამართლო პროცესზე დააყენეს.
როგორც კოლეგიის თავმჯდომარენ, ნინო ელიეშვილმა განაცხადა, გადაწყვეტილება ერთხმად მიიღეს.
მოსამართლეთა კოლეგიიდან ერთ-ერთი საქმეში ახალი ჩართულია, შესაბამისად, ადვოკატებმა სასამართლოს მტკიცებულებების ხელახლა გამოკვლევის შუამდგომლობით მიმართეს, რასაც სააკაშვილიც დაეთანხმა.
დაცვის მხარეს არ დაეთანხმა ბრალდების მხარე და შუამდგომლობას დაუსაბუთებელი უწოდა.
ავტორი: ექსპრესნიუსი,
epn.ge (@expressnews.ge)
