აჭარის ჯანმრთელობისა და სოციალური დაცვის სამინისტროს პროგრამა „უშვილობის დიაგნოსტიკა და მკურნალობა“, ამჯერად ქობულეთის მუნიციპალიტეტის დაბა ჩაქვში მცხოვრები დუმბაძეების ოჯახისთვის აღმოჩნდა შედეგიანი. აღნიშნულის შესახებ ინფორმაციას აჭარის ჯანდაცვის სამინისტრო ავრცელებს.

სამინისტროს ცნობით, დაოჯახებიდან 13 წლის თავზე ირინე ბალაძე და გოჩა დუმბაძე მშობლები გახდნენ, მათ ტყუპი ქალ-ვაჟი, გვანცა და დაჩი შეეძინათ.

„დუმბაძეების ოჯახი სამინისტროს კიდევ ერთი პროგრამით „ახალშობილი ტყუპების ოჯახების ერთჯერადი მატერიალური დახმარება“ ისარგებლებს. პროგრამის ფარგლებში ტყუპისცალზე გაიცემა 1 000 ლარი.

„უშვილობის დიაგნოსტიკა და მკურნალობა“ პროგრამის ფარგლებში ჯამში 9 ბავშვი დაიბადა, 14 ოჯახი ახალშობილის მოლოდინშია. სამინისტრომ, აჭარის მთავრობის მხარდაჭერით პროგრამა გასულ წელს დანერგა და წელსაც წარმატებით გრძელდება. პროგრამაზე ხელმისაწვდომობის კიდევ უფრო გაზრდის მიზნით, მიმდინარე წლის აგვისტოდან გარკვეული ცვლილებები განხორციელდა.

პროგრამის მიზანია დამხმარე რეპროდუქციული ტექნოლოგიების გზით, უშვილო წყვილებისათვის სამედიცინო სერვისების დაფინანსება, აღნიშნულ სერვისზე ხელმისაწვდომობის გაზრდა და დემოგრაფიული მაჩვენებლის გაუმჯობესების ხელშეწყობა.

პროგრამის შესახებ დეტალური ინფორმაციისათვის ეწვიეთ ბმულს: https://bit.ly/3NgyOMC“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა