აჭარის ჯანდაცვის სამინისტროში, დაავადებათა კონტროლის ეროვნული ცენტრისა და ჯანმთელობის მსოფლიო ორგანიზაციის მხარდაჭერით, საკოორდინაციო-საინფორმაციო შეხვედრა გაიმართა თემაზე "იმუნიზაციის კომუნიკაციის ეროვნული კამპანია“.

აჭარის ჯანდაცვის უწყების ცნობით, შეხვედრას მინისტრის პირველი მოადგილე მარი ზანაქიძე, საზოგადოებრივი ჯანდაცვის ხელმძღვანელი რუსუდან შავიშვილი, რეგიონული საზოგადოებრივი ჯანდაცვის ცენტრის სპეციალისტები, ადგილობრივი თვითმმართველობების წარმომადგენლები და სხვა დაინტერესებულ მხარეები ესწრებოდნენ.

"შეხვედრაზე იმუნიზაციის კომუნიკაციის სპეციალისტებმა წარადგინეს პრეზენტაცია ქვეყნის იმუნიზაციის სიტუაციის ანალიზზე, ბოლო დროს ჩატარებული სატელეფონო გამოკითხვის ძირითად მიგნებებზე, იმუნიზაციის საკომუნიკაციო კამპანიის მიზნებზე, ამოცანებსა და მნიშვნელობაზე.

შეხვედრის მონაწილეებთან ერთად განხილული იქნა ასევე, იმუნიზაციის მოთხოვნის წარმოქმნასთან დაკავშირებული ადგილობრივი ბარიერები, გამოწვევები და შესაძლებლობები",- ნათქვამია აჭარის ჯანდაცვის სამინისტროს ინფორმაციაში.

ავტორი: NS (სტატია დაფინანსებულია),

სოციალური ქსელები

უკრაინის რადა ევროკავშირის წევრ ქვეყნებს მოუწოდებს, უკრაინის შესახებ მოლაპარაკებების დაწყებას მხარი დაუჭირონ

რატი ბრეგაძემ საქართველოსა და სისხლის სამართლის საერთაშორისო სასამართლოს შორის წარმატებულ თანამშრომლობაზე ისაუბრა

თურქეთის საგარეო მინისტრი - გაეროს რეზოლუციის დაბლოკვით, აშშ ღაზას საკითხთან დაკავშირებით მარტო დარჩა

15 დეკემბრის ჩათვლით თბილისი-სენაკი-ლესელიძის გზის მონაკვეთზე მოძრაობა შეიზღუდება