2023-09-11 12:29:08, 343 ნახვა
რეგიონი
„აჭარა ის ფარული განძია, რომელიც უნდა აღმოაჩინო“ - „ევრონიუსმა“ ბათუმის შესახებ რეპორტაჟი მოამზადა
![]() აღმოაჩინე აჭარა: იუნესკოს მიერ დაცული ბუნება, უნიკალური ქართული სტუმართმოყვარეობა, არქიტექტურა - აჭარა ის ფარული განძია, რომელიც უნდა აღმოაჩინო - ამ სიტყვებით იწყებს "ევრონიუსი" ბათუმის, აჭარის შესახებ მომზადებულ ვრცელ რეპორტაჟს. "ევრონიუსის" გადაცემა Explore-ის მილიონობით მაყურებელი ბათუმის მრავალფეროვან ტურისტულ შესაძლებლობებს, ქალაქის ძველ და თანამედროვე სახეს, ეკოტურისტულ მიმართულებებს, ქართულ გასტრონომიას, ფოლკლორს და ღვინის დაყენების 8 000-წლიან ტრადიციას გაეცნო. "ევრონიუსის" მაყურებელმა აჭარის მთავრობის თავმჯდომარისგან საინვესტიციო გარემოს, ტურისტული, ეკონომიკური შესაძლებლობების და განვითარების შესახებ მიიღო ინფორმაცია. "ევრონიუსის" ობიექტივში მოხვდა აჭარის ტყეები და ნაკრძალები. წამყვანი აჭარის უნიკალობას უსვამს ხაზს და აღნიშნავს, რომ რეგიონის 60%-ს მოიცავს ტყე. უნიკალურია მტირალას ეროვნული პარკი, ის ერთ-ერთია ოთხ დაცულ ეროვნულ პარკთაგან აჭარაში, რომელიც იუნესკოს მსოფლიო მემკვიდრეობის ძეგლის ნაწილია. "ჩვენ ვეზიარეთ და ვნახეთ აჭარის მდიდარი კულტურა, ლეგენდარული სტუმართმასპინძლობა, ვეწვიეთ საქართველოს მეორე დიდ ქალაქს, ბათუმს, რომელიც ანტიკური ისტორიისა და თანამედროვე არქიტექტურის მიქსია. აღმოვაჩინეთ რეგიონის თვალწარმტაცი ბუნება, რომელიც ქალაქს ირგვლივ აქვს შემორტყმული". რეგიონის პოპულარიზაციისა და უცხოელი ტურისტების მოზიდვის მიზნით აქტიურად მიმდინარეობს უცხოელი ჟურნალისტებისა და ტურისტული სააგენტოების ვიზიტი აჭარაში. მიმდინარე წელს, აჭარას უკვე სტუმრობდნენ სერბი, კორეელი, არაბი, უზბეკი, ყაზახი, პოლონელი, ებრაელი, გერმანელი, სომეხი და თურქი ჟურნალისტები. 2022 წელს, ბათუმი 500-მდე ჟურნალისტს, ბლოგერსა და ტურისტული სააგენტოს წარმომადგენელს მასპინძლობდა. წელს, "ევრონიუსზე" აჭარის ორთვიანი საიმიჯო კამპანიაც მიმდინარეობდა. საერთაშორისო ტელეკომპანიის ეთერში რეგიონის საიმიჯო ვიდეორგოლებს მილიონობით მაყურებელი მსოფლიოს სხვადასხვა ქვეყანაში გაეცნო. "ევრონიუსს" მსოფლიოს მასშტაბით 400 მილიონზე მეტი მაყურებელი ჰყავს - ის 160 ქვეყანაში 17 ენაზე მაუწყებლობს. ინფორმაციას აჭარის მთავრობა ავრცელებს.
უკრაინის რადა ევროკავშირის წევრ ქვეყნებს მოუწოდებს, უკრაინის შესახებ მოლაპარაკებების დაწყებას მხარი დაუჭირონ
რატი ბრეგაძემ საქართველოსა და სისხლის სამართლის საერთაშორისო სასამართლოს შორის წარმატებულ თანამშრომლობაზე ისაუბრა
თურქეთის საგარეო მინისტრი - გაეროს რეზოლუციის დაბლოკვით, აშშ ღაზას საკითხთან დაკავშირებით მარტო დარჩა
15 დეკემბრის ჩათვლით თბილისი-სენაკი-ლესელიძის გზის მონაკვეთზე მოძრაობა შეიზღუდება
|
ომი უკრაინაში![]() შოლცი - საჭიროა ნათლად დავანახოთ ყველას, რომ ევროპაში ძალის გამოყენებით საზღვრების შეცვლა შეუძლებელია
![]() რუსმა ოკუპანტებმა ქალაქ ბერისლავს დრონით შეუტიეს - არის მსხვერპლი
![]() ზელენსკა - უკრაინამ რუსეთიდან 387 გატაცებული ბავშვი დააბრუნა
ვიდეო/LIVE საქართველოს დამოუკიდებლობის დღე - პირდაპირი
|