ბელარუსში აშშ-ის საელჩო საკუთარ მოქალაქეებს მოუწოდებს, დაუყოვნებლივ დატოვონ ბელარუსის ტერიტორია. ამის შესახებ აშშ-ის საელჩოს მიერ გამოქვეყნებულ განცხადებაშია ნათქვამი.

განცხადების ავტორები არ გამორიცხავენ, რომ ევროკავშირი ბელარუსის საზღვარზე კონტროლს კიდევ უფრო გაამკაცრებს და ბელარუსიდან გამგზავრება შეიზღუდება.

„18 აგვისტოს, ლიეტუვის მთავრობამ ბელარუსთან საზღვარზე ორი სასაზღვრო პუნქტი დახურა. ოთხი სასაზღვრო პუნქტი ამჟამად ღიაა. პოლონეთის, ლიეტუვისა და ლატვიის მთავრობებმა განაცხადეს, რომ ბელარუსთან საზღვრის შემდგომი ჩაკეტვა შესაძლებელია.

ბელარუსში მყოფმა აშშ-ის მოქალაქეებმა დაუყოვნებლივ უნდა დატოვონ [ქვეყნის ტერიტორია]. განიხილეთ გამგზავრება ლიეტუვასა და ლატვიასთან დარჩენილი სასაზღვრო პუნქტების გავლით ან თვითმფრინავით“, - ნათქვამია განცხადებაში.

ცნობისთვის, ლიეტუვამ ბელარუსთან საზღვარზე ორი საკონტროლო გამშვები პუნქტი 18 აგვისტოს ჩაკეტა. ქვეყნის შინაგან საქმეთა მინისტრმა განაცხადა, რომ არაა გამორიცხული, საჭიროების შემთხვევაში ბელარუსთან საზღვარი სრულად ჩაიკეტოს.

ავტორი: ექსპრესნიუსი,

სოციალური ქსელები

საქართველოს ბანკის ინდმეწარმეების გათამაშებაში სექტემბრის გამარჯვებულები გამოვლინდნენ

მურთაზ ზოდელავა და ლაშა ბერიძე შესაძლოა 4 ნოემბერს საპროცესო შეთანხმების საფუძველზე გაათავისუფლონ

გერმანიის საგარეო საქმეთა მინისტრმა განაცხადა რუსეთის მხრიდან საქართველოს, მოლდოვასა და ბალტიისპირეთის ქვეყნების მიმართ საფრთხის შესახებ.

ბაზისბანკმა, ქართული ბიზნესის მხარდასაჭერად, BSTDB-ისგან 25 მილიონი ევროს დაფინანსება მიიღო