აშშ-მა F-16-ის ტიპის ავიაგამანადგურებლების დანიიდან და ნიდერლანდებიდან უკრაინისთვის გადაცემის ნებართვა გასცა. აღნიშნულის შესახებ ინფორმაციას Reuters-ი ამერიკელ მაღალჩინოსანზე დაყრდნობით ავრცელებს.

გამოცემის ცნობით, აშშ-ის სახელმწიფო დეპარტამენტის ხელმძღვანელმა, ენტონი ბლინკენმა დანიელ და ნიდერლანდელ კოლეგებს წერილები გაუგზავნა, რომელშიც აღნიშნულია, რომ აშშ ეთანხმება დანიისა და ნიდერლანდების თხოვნას, უკრაინაში F-16-ის საბრძოლო თვითმფრინავების გაგზავნასთან დაკავშირებით.

"ამ წერილით გამოვხატავ ამერიკის შეერთებული შტატების სრულ მხარდაჭერას, როგორც F-16-ის გამანადგურებლების უკრაინაში გადაცემის, ასევე უკრაინელი მფრინავების მომზადებას კვალიფიციური F-16-ის ინსტრუქტორების მიერ",- აღნიშნულია წერილში.

Reuters-ის ცნობითვე, 11 ქვეყნის კოალიციას დაგეგმილი აქვს, რომ F-16-ის საბრძოლო თვითმფრინავებზე უკრაინელი მფრინავების წვრთნები მიმდინარე თვეში, დანიაში დაიწყოს.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა