2023-08-17 15:35:43, 780 ნახვა
მსოფლიო
ესპანეთის კუნძულ ტენერიფეზე მასშტაბურ ტყის ხანძარს ებრძვიან
ესპანეთის კუნძულ ტენერიფეზე, ტყეში გაჩენილი ხანძრის მასშტაბი 5-ჯერ გაიზარდა. აღნიშნულის შესახებ ინფორმაციას ადგილობრივი მედია ავრცელებს.
მედიის ცნობით, ამჟამად ცეცხლი 1 800 ჰექტარზეა გავრცელებული და მისი პერიმეტრი 22 კილომეტრია.
მეხანძრეები ხანძრის ლოკალიზებას ამ დრომდე ვერ ახერხებენ.
„ხანძარი ძალიან ძლიერია, ცეცხლის კონტროლს ვერ ვახერხებთ“, - განაცხადა კანარის კუნძულების ადგილობრივი მთავრობის ხელმძღვანელმა, ფერნანდო კლაფიხომ.
ავტორი: ექსპრესნიუსი,
epn.ge (@expressnews.ge)
