2023-08-15 10:25:16, 918 ნახვა
მსოფლიო
მოლდოვამ 22 რუსი დიპლომატი გააძევა
მოლდოვა გუშინ, 14 აგვისტოს კიდევ 22-მა რუსმა დიპლომატმა დატოვა. აღნიშნულის შედეგად, ქვეყნის დედაქალაქ კიშინიოვში რუსეთის საელჩოს პერსონალი 25 ადამიანამდე შემცირდა.
მოლდოვის საგარეო საქმეთა სამინისტროს ცნობით, სამშაბათიდან ქვეყანაში არაუმეტეს 10 რუსი დიპლომატისა და 15 დამხმარე პერსონალის დარჩენა შეიძლება.
მანამდე რუსეთის საელჩოში 80-ზე მეტი ადამიანი მუშაობდა.
მოლდოვამ რუსი დიპლომატების გაძევება რუსეთის არამეგობრული ქმედებებითა და რუსეთის მიერ ქვეყანაში სიტუაციის დესტაბილიზაციის არაერთი მცდელობით ახსნა.
ავტორი: ექსპრესნიუსი,
epn.ge (@expressnews.ge)
