უკრაინამ შავ ზღვაში მარცვლეულის გადამზიდი ხომალდებისთვის დროებითი ჰუმანიტარული დერეფნის გახსნის შესახებ განაცხადა. აღნიშნულ ინფორმაციას Reuters-ი ავრცელებს.

გამოცემის ცნობით, თავდავპირველად აღნიშნული ჰუმანიტარული დერეფნით ისარგებლებენ გემები, რომლებიც 2022 წლის თებერვლიდან უკრაინის შავი ზღვის პორტებში იმყოფებიან.

„დღეს, ახალმა დროებითმა ჰუმანიტარულმა დერეფანმა დაიწყო მუშაობა. დერეფანი იქნება ძალიან გამჭვირვალე. ჩვენ დავაყენებთ კამერებს გემებზე, რათა ვაჩვენოთ, რომ ეს არის წმინდა ჰუმანიტარული მისია და არ აქვს სამხედრო დანიშნულება",- უთხრა Reuters-ს უკრაინის საზღვაო ძალების პრესსპიკერმა, ოლეგ ჩალიკმა.

უკრაინის მიერ ჰუმანიტარული დერეფნის მარშრუტის შესახებ მიგრაციის საერთაშორისო ორგანიზაცია (IOM) უკვე ინფორმირებულია.

შეგახსენებთ, მიმდინარე წლის 17 ივლისს, რუსეთმა „შავი ზღვის მარცვლეულის შეთანხმება“ შეაჩერა.

აღსანიშნავია, რომ "მარცვლეულის შეთანხმება" გასულ წელს თურქეთისა და გაეროს შუამავლობით გაფორმდა.

ავტორი: ექსპრესნიუსი,

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას