2023-08-07 20:31:16, 1346 ნახვა

---

პოდოლიაკი - უკრაინაში ამჟამინდელი დისპოზიციის პირობებში, ომის გაყინვის ნებისმიერი სცენარი პუტინის პირადი ტრიუმფი იქნება

უკრაინაში ამჟამინდელი დისპოზიციის პირობებში, ცეცხლის შეწყვეტისა და ომის გაყინვის ნებისმიერი სცენარი იქნება მხოლოდ რუსეთის ფაქტობრივი გამარჯვება და პუტინის პირადი ტრიუმფი, - ამის შესახებ უკრაინის პრეზიდენტის ოფისის ხელმძღვანელის მრჩეველმა, მიხაილ პოდოლიაკმა სოციალურ ქსელში დაწერა.

მისივე თქმით, ასეთი სცენარი დასავლური მსოფლიოს დიდი დამარცხება და უსაფრთხოების არსებული გლობალური წესრიგის დასასრული იქნება.

„ომის გაყინვა არ გახდება მისი დასასრული და არ შეამცირებს უკრაინელი ხალხის ტანჯვას. მოსკოვი ნახევარ უკრაინას თუ დაიტოვებს და შესვენებაზე გავა, ის შემდეგი რაუნდისთვის მზადებას დაიწყებს. როგორც კი წამყვან დასავლურ ქვეყნებში შეიცვლებიან პოლიტიკური ლიდერები, ომი დაბრუნდება – უფრო მასშტაბური, სისხლიანი და მომზადებული. ასეთ შემთხვევაში, გამოფიტული უკრაინა ამ რაუნდს უფრო ცუდ მდგომარეობაში შეხვდება და ნაკლები აშკარა პერსპექტივებით, ვიდრე შეიძლებოდა, თუ მხოლოდ ნატო-ს ლიდერები არ შეიცვლიან თავიანთ პოზიციას და არ გამოავლენენ პოლიტიკურ ნებას საგანგებო წევრობასთან დაკავშირებით. როგორია დასკვნა? არანაირი მოლაპარაკებების პროცესი მიმდინარე დისპოზიციაში არ შეიძლება. სტატუს კვო ბრძოლის ველზე უნდა შეიცვალოს. ეს ნიშნავს მეტ იარაღს, რაკეტას და თვითმფრინავს“, - წერს პოდოლიაკი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი