რუსეთის დედაქალაქ მოსკოვზე წუხელ უპილოტო საფრენი აპარატებით თავდასხმა განხორციელდა. უკრაინული მედიის ცნობით, მათ შორის ერთ-ერთი დრონი ბიზნესცენტრ "მოსკოვი-სიტის" დაეჯახა და ფასადი დააზიანა.

როგორც რუსული სამთავარობო-პროპაგანდისტული გამოცემა TASS-ი წერს, თავდასხმას მსხვერპლი არ მოჰყოლია.

გამოცემა მოსკოვის მერზე, სერგეი სობიანინზე დაყრდნობით ასევე იუწყება, რომ იერიშის დროს რუსეთის ფედერაციის საჰაერო თავდაცვამ რამდენიმე უპილოტო საფრენი აპარატი ჩამოაგდო.

ქვეყნის თავდაცვის სამინისტრომ მომხდარში უკრაინა დაადანაშაულა და გავრცელებულ განცხადებაში მიუთითა, რომ რუსეთმა "მოსკოვსა და მოსკოვის რეგიონზე უკრაინის რეჟიმის მიერ ტერორისტული თავდასხმის მცდელობა" აღკვეთა.

TASS-ის ინფორმაციით, თავდასხმის შემდეგ ვნუკოვოს საერთაშორისო აეროპორტი დროებით დაიხურა.

ავტორი: ექსპრესნიუსი,

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას