2023-07-30 12:28:51, 1240 ნახვა
მსოფლიო
TASS - მოსკოვში, ბიზნეს ცენტრის შენობას უპილოტო საფრენი აპარატი დაეჯახა
მოსკოვში საოფისე კორპუსს უპილოტო საფრენი აპარატი დაეჯახა, რის შედეგად ერთი ადამიანი დაშავდა. აღნიშნულის შესახებ ინფორმაციას რუსეთის პროპაგანდისტული მედია TASS საგანგებო სიტუაციების მართვის სამსახურის წარმომადგენელზე დაყრდნობით ავრცელებს.
რუსეთის თავდაცვის სამინისტროს განცხადებით, 30 ივლისს დილით მოსკოვის თავზე ჯამში 3 უპილოტო საფრენი აპარატი ჩამოაგდეს.
თავდასხმის გამო დროებით შეჩერდა ვნუკოვოს აეროპორტის მუშაობა.
"ამაღამ უკრაინული დრონებით თავდასხმა განხორციელდა. მსუბუქად დაზიანდა ქალაქის ორი საოფისე კორპუსის ფასადები",- განაცხადა მოსკოვის მერმა, სერგეი სობიანინმა.
ავტორი: ექსპრესნიუსი,
epn.ge (@expressnews.ge)
