შეწყვიტეთ იმის დაჯერება, რომ არსებობს სხვა გამოსავალი, გარდა რუსეთის უპირობო დამარცხებისა,- ასე ეხმაურება უკრაინის პრეზიდენტის ადმინისტრაციის უფროსის მრჩეველი მიხაილო პოდოლიაკი რუსი ოკუპანტების მიერ ოდესაზე მიტანილ სარაკეტო იერიშს.

პოდოლიაკის თქმით, რუსეთს განახლებული ტერორისტული ტაქტიკა აქვს, რომელიც რამდენიმე მიზანს ისახავს.

"რუსეთის განახლებული ტერორისტული ტაქტიკა: განზრახ თავდასხმა სამხრეთის ქალაქების ისტორიულ ცენტრებზე, ოდესის დემონსტრაციული განადგურება, პორტის ინფრასტრუქტურის განადგურება, მშვიდობიანი მოსახლეობის მკვლელობის ფართომასშტაბიანი მცდელობები.

ამ გზით რუსეთს სურს:

• საბოლოოდ "გაანადგუროს" მარცვლეულის შეთანხმება;
• უკრაინას დაუხუროს ნებისმიერი წვდომა შავ ზღვაზე. (განსაკუთრებით საკუთარი შავი ზღვის ფლოტის შიშის გამო);
• გლობალური საინფორმაციო დღის წესრიგის შეცვლა, რათა ნაკლებად იყოს საუბარი დასუსტებულ რუსეთის ფედერაციის შიდა პრობლემებზე და მეტი ისაუბრონ ომის შესაძლო ესკალაციაზე;
• კვლავ დააშინოს საზოგადოება აშკარა ტერორიზმით და ამით აიძულოს "რუსეთთან შესაძლო დათმობები";
• ყველა დაარწმუნოს უკრაინის სიძულვილში, განსაკუთრებით ოდესის მიმართ, უბრალოდ მეხსიერების, ისტორიის განადგურებით.

რა უნდა გაკეთდეს: გამოდით პოლიტიკური პროსტრაციიდან, დააჩქარეთ სარაკეტო თავდაცვის სისტემების მიწოდება, დაიცავით მარცვლეულის დერეფნები და პორტის ინფრასტრუქტურა, შეწყვიტეთ იმის დაჯერება, რომ არსებობს სხვა გამოსავალი, გარდა რუსეთის უპირობო დამარცხებისა",- წერს პოდოლიაკი სოციალურ ქსელში.

ცნობისთვის, რუსმა ოკუპანტებმა ღამით ოდესაზე სარაკეტო იერიში განახორციელეს. ბოლო მონაცემებით, დაიღუპა ერთი და დაშავდა 22 ადამიანი, მათ შორის 4 ბავშვია.

ადგილობრივი ხელისუფლების ინფორმაციით, თავდასხმის შედეგად ფერისცვალების ტაძარი, მეცნიერებათა  სახლი და მიმდებარე საცხოვრებელი სახლები დაზიანდა.

ავტორი: ექსპრესნიუსი,

სოციალური ქსელები

ნეთანიაჰუ არაბთა გაერთიანებულ საემიროებს ეწვია.

იაროსლავის ოლქში, პიროტექნიკის საწყობში გაჩენილ ხანძარს 14 ადამიანი ემსხვერპლა

მოსკოვის მახლობლად მდებარე ქალაქებში ბენზინგასამართი სადგურებიდან ბენზინი გაქრობას იწყებს

საქართველოს ნაკრებისა და უკრაინის მატჩი ფრედ დასრულდა