მოსკოვში რუსეთის უშიშროების ფედერალური სამსახურის ყოფილი ოფიცერი, დონეცკის ე.წ. სახალხო რესპუბლიკის ყოფილი თავდაცვის მინისტრი იგორ გირკინი (სტრელკოვი) დააკავეს. აღნიშნულ ინფორმაციას RBC.RU უსაფრთხოების სამსახურის ორ წყაროსა და დაკავებულის ადვოკატზე, ალექსანდრე მოლოხოვზე დაყრდნობით ავრცელებს.

გამოცემის ცნობით, გირკინი საკუთარ სახლში აიყვანეს, სადაც საგამოძიებო კომიტეტის თანამშრომლებმა ჩხრეკა ჩაატარეს. 

როგორც  RBC.RU წერს, წინასწარი ინფორმაციით, დაკავება კერძო სამხედრო დაჯგუფება "ვაგნერის" ყოფილი თანამშრომლის მოთხოვნით მოხდა. 

გირკინის დაკავების შესახებ ინფორმაცია მოგვიანებით მისმა ცოლმა, მიროსლავა რეგინსკაიამაც დაადასტურა. რეგინსკაიამ გირკინის Telegram-ზე გაავრცელა წერილი, რომელშიც ნათქვამია, რომ დაკავებულს ბრალს ექსტრემიზმში სდებენ.

"დღეს, 11:30 საათზე საგამოძიებო კომიტეტის წარმომადგენლები ჩვენს სახლში მოვიდნენ. მე სახლში არ ვიყავი ამ დროს. მალე, კონსიერჟის ცნობით, მათ ჩემი ქმარი გარეთ გამოიყვანეს და იარაღის დამიზნებით წაიყვანეს უცნობი მიმართულებით. მეგობრებისგან მოვახერხე გამეგო, რომ ჩემი ქმარი დააკავეს რუსეთის ფედერაციის სისხლის სამართლის კოდექსის 282-ე მუხლით (ექსტრემიზმი)",- წერს რეგინსკაია სოციალურ ქსელში.

ავტორი: ექსპრესნიუსი,

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა