აშშ სანქციებს უწესებს 120 პირსა და კომპანიას, რომლებიც რუსეთს მიმდინარე ომში ეხმარებიან. აღნიშნულის შესახებ ინფორმაციას CNN ავრცელებს.

როგორც აშშ-ის სახელმწიფო დეპარტამენტის მდივნის, ენტონი ბლინკენის განცხადებაშია აღნიშნული, სანქციები დაუწესდა იმ კომპანიებს, რომლებიც რუსეთს ორმაგი დანიშნულების ნივთების მიწოდებით ეხმარებიან.

გარდა ამისა, სანქცირებულთა სიაში ასევე მოხვდნენ: იმპორტიორები, მომწოდებლები და სხვა კომპანიები, რომლებიც კრემლს სანქციების თავიდან არიდებაში ეხმარებოდნენ. 

"ეს სანქციები შეზღუდავს რუსეთს კრიტიკულ მასალებზე წვდომას, შეაფერხებს მის მომავალ ენერგეტიკულ წარმოებასა და ექსპორტის შესაძლებლობებს, ხელს შეუშლის სანქციებისთვის გვერდის ავლას",- განაცხადა ბლინკენმა.

რაც შეეხება სანქცირებულ კომპანიებს მასში შედის: ბანკები, მომწოდებლები, იმპორტიორები და მწარმოებლები.

ამასთან, აშშ-ის მიერ დაწესებული სანქციები მიზნად ისახავს:

• შეაფერხოს რუსეთის წვდომა იმ პროდუქტებზე, რომლებიც მის სამხედრო და საომარ შესაძლებლობებს ზრდის;
• შეამციროს რუსეთის შემოსავალი ლითონებისა და სამთამადნო სექტორიდან;
• შეამციროს მისი მომავალი ენერგეტიკული შესაძლებლობები.

შეგახსენებთ, რომ გუშინ, 20 ივლისს ევროკავშირმა მიიღო გადაწყვეტილება რუსეთის წინააღმდეგ დაწესებული სანქციები კიდევ 6 თვით გაახანგრძლივოს.

გუშინვე, ავსტრალიამ 35 რუსულ ორგანიზაციას და 10 პირს, მათ შორის რუს მინისტრებსა და მაღალჩინოსნებს ახალი სანქციები დაუწესა.

ავტორი: ექსპრესნიუსი,

სოციალური ქსელები

აშშ-მ ირანს ჰორმუზის სრუტეში თავდასხმების შესაჩერებლად ვადა დაუწესა

„1000 რაკეტა მზადაა“: ტრამპი, მისი მკვლელობის მცდელობის შემთხვევაში, ირანის განადგურებით იმუქრება

ზელენსკიმ რუსეთისთვის „შორი მოქმედების სარდლობის“ შექმნის შესახებ განაცხადა

ამერიკელმა სენატორები თეთრ სახლთან შეთანხმდნენ რუსეთის წინააღმდეგ „ჯოჯოხეთური სანქციების“ შესახებ კანონპროექტზე