სასაჩუქრე ბარათების ქართული ვებ პლატფორმა wowchy უზბეკეთის ტექ. პარკის რეზიდენტი გახდა. რაც ნიშნავს იმას, რომ კომპანიას ახლა აქვს შესაძლებლობა, ონლაინ პლატფორმის მეშვეობით საკუთარი პროდუქტი უზბეკეთის ბაზარს შესთავაზოს და მიიღოს დამატებითი ბენეფიტები. კერძოდ, ისარგებლოს 7.5%-იანი საშემოსავლო და 0%-იანი კორპორაციული გადასახადით, რომელიც ტექ. პარკის რეზიდენტებისთვის მოქმედებს.

აღსანიშნავია, რომ wowchy "საქართველოს ბანკისა" და USAID-ის ეკონომიკური უსაფრთხოების პროგრამის ერთობლივი ინიციატივის 11 მონაწილიდან ერთ-ერთია, რომელიც უზბეკეთში  22 ადგილობრივ კომპანიასთან შესახვედრად გაემგზავრა.  

"საქართველოს ბანკისა" და USAID-ის მიზანს ცენტრალურ აზიაში ტექნოლოგიური სერვისების ექსპორტის წახალისების ხელშეწყობისთვის, ქართულ ICT კომპანიებსა და უცხოურ ორგანიზაციებს შორის B2B შეხვედრების გამართვა წარმოადგენდა, რომელიც დაეხმარებოდა მონაწილეებს, ახალი საქმიანი ურთიერთობების დამყარებისა და ბიზნესების გლობალურ ბაზარზე მასშტაბირებაში. ამასთან, ინიციატივის ფარგლებში, ქართული მცირე და საშუალო ბიზნესების წარმომადგენლები უზბეკეთში ამერიკული სავაჭრო პალატის წარმომადგენლებსაც  შეხვდნენ. 

„აღნიშნულ ინიციატივაში მონაწილეობის ფარგლებში შევხვდით პოტენციურ პარტნიორებს, ინვესტორებს და რაც მთავარია, IT Park-ის წარმომადგენლებს და გავეცანით იმ შესაძლებლობებს, რასაც რეზიდენტობა გვაძლევდა. ამან მნიშვნელოვნად იმოქმედა ჩვენს გადაწყვეტილებაზე გაგვეხსნა უზბეკეთში კომპანიის წარმომადგენლობა“, - აღნიშნავს თათია ხაინდრავა, wowchy-ს თანადამფუძნებელი. 

„საქართველოს ბანკი" აქტიურ რეჟიმში განაგრძობს მცირე და საშუალო ბიზნესების მხარდაჭერას და მათთვის ბაზარზე მასშტაბირების ხელშეწყობას. სწორედ ამ მიზნით, ჩვენ არაერთ პროექტს ვახორციელებთ და ვუჭერთ მხარს. ჩვენი ინიციატივების ფარგლებში უკვე 2000-ზე მეტი მცირე და საშუალო ბიზნესისთვის შევქმენით განვითარების ახალი შესაძლებლობები. ამასთან, ძალიან გვახარებს, როდესაც ვხედავთ, ჩვენი პროექტების მონაწილე კომპანიების წარმატებას ლოკალურ და საერთაშორისო ასპარეზზე. wowchy-ს მიერ უზბეკეთის ტექ. პარკის რეზიდენტის სტატუსის მოპოვება მნიშვნელოვანი წინ გადადგმული ნაბიჯია. ჩვენ ვულოცავთ კომპანიის წარმომადგენლებს ამ მნიშვნელოვან მიღწევას და მომავალში კიდევ უფრო მეტი ახალი ბაზრის ათვისებას ვუსურვებთ“, - აღნიშნავს ოლღა ნაკაშიძე, "საქართველოს" ბანკის დამატებითი ღირებულების სერვისების განვითარების პროექტების მენეჯერი. 
 
ინფორმაციისთვის, wowchy პირველი სასაჩუქრე ბარათების ონლაინ მაღაზიაა, რომელიც შესაძლებლობას აძლევს მომხმარებელს, მარტივად შეარჩიონ ცნობილი ბრენდების სასაჩუქრე ბარათები სახლიდან გაუსვლელად, გადაიხადონ ონლაინ და გაუგზავნონ საყვარელ ადამიანებს ციფრული სახით მოკლე ტექსტური შეტყობინების ან ელექტრონული ფოსტის საშუალებით, სულ რამდენიმე წუთში. 

დღეს wowchy-ს პარტნიორების რაოდენობა 300-ს უტოლდება. კომპანიას შემოსავლების 400%-იანი ზრდა აქვს.   

ავტორი: R (რეკლამა),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს