წუხელ, მას შემდეგ, რაც რუსეთი გამოვიდა უკრაინული მარცვლეულის ექსპორტის შეთანხმებიდან, რუსეთის არმიამ შეუტია საპორტო ქალაქებს ნიკოლაევსა და ოდესას.

უკრაინის არმიის ოპერატიულმა სარდლობამ „სამხრეთმა“ განაცხადა, რომ ღამით რუსმა სამხედროებმა შავი ზღვიდან ექვსი კალიბრის რაკეტით შეუტიეს ოდესას, ყველა მათგანი ჩამოაგდეს უკრაინის საჰაერო თავდაცვის სისტემამ. ჩამოგდებული რაკეტების ფრაგმენტებმა და აფეთქების ტალღამ დააზიანა პორტის ინფრასტრუქტურის ობიექტები და რამდენიმე კერძო სახლი. დაშავებულია ერთი ადამიანი. ოპერატიული სარდლობა ამტკიცებს, რომ ღამით ოდესის რეგიონში 21 შაჰედი ჩამოაგდეს.

ნიკოლაევის რაიონში განგაშია გამოცხადებული. უკრაინის სამხედროებმა განაცხადეს, რომ მათ ჩამოაგდეს ოთხი რუსული დრონი. რეიდის შემდეგ, რეგიონული სამხედრო ადმინისტრაციის ხელმძღვანელმა ვიტალი კიმმა განაცხადა, რომ ხანძარი ლიკვიდირებული იყო, არ დაუკონკრეტებია სად მოხდა აფეთქება. უკრაინული და რუსული წყაროები ნიკოლაევის პორტში ხანძრის შესახებ იუწყებიან. მსხვერპლის შესახებ ინფორმაცია არ ვრცელდება.

ანექსირებული ყირიმის რუსმა ხელმძღვანელმა, სერგეი აქსიონოვმა სამშაბათს დილით განაცხადა, რომ ცხრა უკრაინული დრონი ჩამოაგდეს ნახევარკუნძულის აღმოსავლეთით ღამით, ხოლო კიდევ 19 ჩაახშეს ელექტრონული  სისტემებით. აქსიონოვს არ დაუკონკრეტებია, რომელ ობიექტებს დაესხნენ თავს. ნახევარკუნძულის აღმოსავლეთით არის ყირიმის ხიდი, რომელიც წინა დღეს, 17 ივლისს, ნაწილობრივ განადგურდა უკრაინული ზედაპირული უპილოტო მანქანების დარტყმის შედეგად.

რუსეთის თავდაცვის სამინისტრომ მოგვიანებით განმარტა, რომ ჩამოგდებულია 17 უპილოტო თვითმფრინავი, ჩაახშობილია 11. მსხვერპლი და დაზიანება არ ყოფილა.

ავტორი: ექსპრესნიუსი,

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ