აშშ-ის პრეზიდენტი ჯო ბაიდენი ფინეთში ჩავიდა. აღნიშნულის შესახებ ინფორმაციას გამოცემა "ამერიკის ხმა" ავრცელებს.

"ამერიკის ხმის" ცნობით, ბაიდენი ფინეთის პრეზიდენტს, საული ნიინისტეს, ფინეთის პრემიერ-მინისტრს, პეტერი ორპოს შეხვდება.

გამოცემის ცნობით, დაგეგმილია შეხვედრები სკანდინავიის სხვა ქვეყნების პრემიერ-მინისტრებთანაც: ულფ კრისტერსონტან (შვედეთი), იონას გაჰრ შტორთან (ნორვეგია), მეტე ფრედერიკსენთან (დანია) და კატრინ იაკობსდოტირთან (ისლანდია).

აღსანიშნავია, რომ ბაიდენსა და სკანდინავიის ქვეყნების ლიდერებს შორის მოლაპარაკების მთავარი თემა უსაფრთხოების, ეკოლოგიისა და ტექნოლოგიების სფეროში თანამშრომლობა იქნება.

როგორ "ამერიკის ხმა" წერს, ბაიდენი გახდება აშშ-ის პირველი პრეზიდენტი, რომელიც ჰელსინკს აშშ-ის ყოფილი პრეზიდენტის, დონალდ ტრამპის რუსეთის პრეზიდენტთან, ვლადიმერ პუტინთან შეხვედრის შემდეგ ეწვია.

შეგახსენებთ, რომ ამერიკის შეერთებული შტატების პრეზიდენტი ჯო ბაიდენი ფინეთამდე დიდ ბრიტანეთსა და ლიეტუვაში იმყოფებოდა. ბაიდენი დიდ ბრიტანეთში 10 ივლისს ჩავიდა და პრემიერ-მინისტრ რიში სუნაკსა და მეფე ჩარლზ მესამეს შეხვდა.

რაც შეეხება ლიეტუვას, შეერთებული შტატების პრეზიდენტი ქვეყანას 11-12 ივლისს, ნატოს სამიტზე დასასწრებად ეწვია. 

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი