შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის სამხარეო მთავარი სამმართველოს და ბაღდათის რაიონული სამმართველოს თანამშრომლებმა, ერთობლივად ჩაატარებული ოპერატიულ-საგამოძიებო მოქმედებების შედეგად, ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ბრალდებით 1945 წელს დაბადებული მურად წ. ბაღდათში დააკავეს.

ინფორმაციას შინაგან საქმეთა სამინისტრო ავრცელებს. 

უწყების ცნობით, სამართალდამცველებმა ბაღდათში, ბრალდებულის საცხოვრებელი სახლის ჩხრეკის შედეგად სხვადასხვა დასახელების და მოდელის ცეცხლსასროლი იარაღები და საბრძოლო მასალები ამოიღეს: ქარხნული წესით დამზადებული უნომრო შაშხანა, ქარხნული წესით დამზადებული, შაშხანის რგოლური აალების 5 ვაზნა, ქარხნული წესით დამზადებული რგოლური აალების პისტოლეტის 9 ვაზნა, ქარხნული წესით დამზადებული გლუვლულიანი, სამლულიანი სანადირო თოფი, ორლულიანი შიგაჩახმახიანი სანადირო თოფი, 12-კალიბრიანი ერთლულიანი სანადირო თოფი, „გლოკ-18“-ის მოდელის პისტოლეტი, „სმიტ-ვენსონ მოდ-910“-ის პისტოლეტი და ქარხნული წესით დამზადებული ცეცხლსასროლი იარაღის 50 ვაზნა. სამართალდამცველებმა მურად წ-ს საცხოვრებელი სახლიდან ასევე ამოიღეს სხვადასხვა ცეცხლსასროლი იარაღის ნაწილები. დაკავებული აღიარებს ჩადენილ დანაშაულს.
გამოძიება ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს (საქართველოს სსკ-ის 236-ე მუხლის 1-ლი ნაწილით).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ