2023-07-08 13:22:42, 1343 ნახვა
ომი უკრაინაში
რუსმა ოკუპანტებმა ლიმანი დაბომბეს - დაიღუპა 6 ადამიანი, ხოლო 5 დაშავდა
რუსმა ოკუპანტებმა ქალაქი ლიმანი დაბომბეს,- აღნიშნულის შესახებ ინფორმაციას დონეცკის ოლქის სამხედრო ადმინისტრაციის ხელმძღვანელი პავლო კირილენკო ავრცელებს.
კირილენკოს თქმით, თავდასხმის შედეგად სულ მცირე, 6 ადამიანი დაიღუპა, ხოლო 5 დაშავდა.
"რუსული ტერორისტული ძალების მიერ ლიმანის დაბომბვის შედეგად, სულ მცირე, 6 ადამიანი დაიღუპა, 5 კი დაიჭრა.
დაახლოებით დილის 10 საათზე, რუსებმა ქალაქს რამდენიმე სარაკეტო დარტყმა მიაყენეს. დაზიანებულია სახლი და მაღაზია", - წერს კირილენკო.
მისივე თქმით, ადგილზე პოლიცია მუშაობს.
ავტორი: ექსპრესნიუსი,
epn.ge (@expressnews.ge)
