ეუთოს საპარლამენტო ასამბლეამ რუსეთის ფედერაცია ტერორიზმის სპონსორ სახელმწიფოდ, რუსული კერძო სამხედრო კომპანია „ვაგნერი“ კი ტერორისტულ ორგანიზაციად აღიარა. აღნიშნულის შესახებ ინფორმაციას ეუთოს საპარლამენტო ასამბლეაში უკრაინის დელეგაციის წევრი, უკრაინის რადას ფრაქცია „ხალხის მსახურის“ ხელმძღვანელის მოადგილე ევგენია კრავჩუკი ავრცელებს.

კრავჩუკის თქმით, ტერორიზმი ერთ-ერთი უდიდესი საფრთხეა საერთაშორისო მშვიდობისა და უსაფრთხოებისთვის.

"დღეს, ვანკუვერში ეუთოს საპარლამენტო ასამბლეის სესიაზე მუშაობა დასრულდა საბოლოო დეკლარაციის მიღებით, რომელშიც, ნათქვამია, რომ ტერორიზმი არის ერთ-ერთი უდიდესი საფრთხე საერთაშორისო მშვიდობისა და უსაფრთხოებისთვის. „ვაგნერ ჯგუფი“ რუსეთის მთავრობის სახელით შეიძლება სამართლიანად დავახასიათოთ, როგორც ტერორისტი",- განაცხადა კრავჩუკმა.

მისი ინფორმაციით, დეკლარაცია მოუწოდებს წევრ ქვეყნებს, გამკაცრდეს საერთაშორისო ნორმები, რომელიც ნათლად აღიარებს „ვაგნერის“ ტერორისტულ ხასიათს და რუსეთის ფედერაციის, როგორც ამ ტერორისტული ორგანიზაციის სპონსორი სახელმწიფოს პასუხისმგებლობას.

"პირველად ასეთი ფორმულირება არის დაფიქსირებული საერთაშორისო ორგანიზაციის ოფიციალურ დოკუმენტში! სხვათაშორის, აშშ-ის კანონმდებლობაში, რომელიც ასევე არის ეუთოს წევრი, ცნობილია მსგავსი ტერმინი "ტერორიზმის სპონსორი სახელმწიფო". იმედი მაქვს, რომ ეს გადაწყვეტილება გახდება კატალიზატორი აგრესორი სახელმწიფოს ტერორიზმის სპონსორად აღიარებისთვის არა მხოლოდ აშშ-ში, არამედ მთელ მსოფლიოში",- დასძინა კრავჩუკმა.

ავტორი: ექსპრესნიუსი,

სოციალური ქსელები

ტრამპი საფრანგეთში სკოლებში გამართული საპროტესტო აქციების შესახებ: ისლამი ოდესღაც დიდებული ქვეყნის დაპყრობას ცდილობს

სოჭის სანაპიროსთან ნავთობის ტანკერი AFRAMAX RIO იწვის - ვიდეო

ევროკომისიამ გაფართოებისთვის მოსამზადებელი დოკუმენტები მიიღო სადაც საქართველო აღარ განიხილება

მარტა კოსი- საქართველო კანდიდატი ქვეყანა მხოლოდ ქაღალდზეა