უკრაინის პრეზიდენტის აპარატის უფროსის მრჩეველმა მიხაილ პოდოლიაკმა კომენტარი გააკეთა ევგენი პრიგოჟინისა და ვაგნერის აჯანყებაზე და თქვა, რომ „უკრაინის კონტრშეტევის დაწყებამ საბოლოოდ მოახდინა რუსეთის ელიტის დესტაბილიზაცია“.

მისი თქმით, მოვლენები ვითარდება იმ სცენარის მიხედვით, რაზეც უკრაინის ხელისუფლება ბოლო ერთი წლის განმავლობაში საუბრობდა.

"უკრაინის კონტრშეტევის დაწყებამ საბოლოოდ მოახდინა რუსეთის ელიტის დესტაბილიზაცია, გააღრმავა შიდა განხეთქილება, რომელიც წარმოიშვა უკრაინაში დამარცხების შემდეგ. დღეს ჩვენ რეალურად მოწმენი ვართ სამოქალაქო ომის დაწყების. პრიგოჟინის ჯგუფი იპყრობს სამხედრო ობიექტებს, შტაბებსა და მთელ ქალაქებს, გზაზე თითქმის არ აწყდება წინააღმდეგობას, აიარაღებს შემთხვევით ჯარისკაცებსა და პოლიციელებს. პუტინი პრიგოჟინს მოღალატედ და უკანონოდ აცხადებს და შესაბამის ბრძანებებს უცხადებს სპეცსამსახურებს, მაგრამ არაფერი ხდება - მმართველობის კრიზისი, ძალაუფლების ფაქტობრივი დაკარგვა. პარალელურად ვაგნერი აგრძელებს ლაშქრობას მოსკოვისკენ. უკრაინა აგრძელებს საკუთარი გზით სვლას. 1991 წლის საზღვრამდე." - აცხადებს მიხაილო პოდოლიაკი.

შეგახსენებთ, რომ გუშინ 23 ივნისს, რუსული კერძო სამხედრო დაჯგუფების, „ვაგნერის“ ხელმძღვანელმა, ევგენი პრიგოჟინმა რუსეთის თავდაცვის სამინისტრო ვაგნერის ბანაკებზე სარაკეტო თავდასხმაში დაადანაშაულა. 

როგორც პრიგოჟინმა აღნიშნა, რუსეთის მხრიდან განხორციელებული სარაკეტო თავდასხმების შედეგად "ვაგნერის" რიგები ბევრი მსხვერპლია და საპასუხო ზომებზე გადაწყვეტილება უკვე მიღებულია.

ამასთან, მოგვიანებით პრიგოჟინმა გაავრცელა ვიდეომიმართვა, სადაც განაცხადა, რომ როსტოვის სამხედრო ობიექტები, მათ შორის აეროდრომი „ვაგნერის" კონტროლის ქვეშაა.

პრიგოჟინი ყველაფრის განადგურებით იმუქრება. ამ დრომდე, მისი მტკიცებით, 2 ვერტმფრენი ჩამოაგდეს, მათ შორის ერთ-ერთი მოსკოვის ტრასაზე.

ავტორი: ექსპრესნიუსი,

სოციალური ქსელები

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი

პუტინმა განაცხდა უკვე მეშვიდედ, რომ რაკეტა სარმატა გამოსცადა

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს