2023-06-23 14:46:25, 1705 ნახვა
ომი უკრაინაში
რუსებმა ხერსონში სატრანსპორტო კომპანიაზე თავდასხმა განახორციელეს - არის მსხვერპლი
რუსმა ოკუპანტებმა ხერსონში სატრანსპორტო კომპანიაზე თავდასხმა განახორციელეს.
როგორც უკრაინული მედია ხერსონის რეგიონული სამხედრო ადმინისტრაციის ხელმძღვანელზე, ალექსანდრ პროკუდინზე დაყრდნობით წერს, თავდასხმას 2 ადამიანის სიცოცხლე ემსხვერპლა.
„ხერსონში საოკუპაციო ძალებმა მიზანმიმართულად დაარტყეს კომუნალურ სატრანსპორტო კომპანიას. სამწუხაროდ, 55 წლის მამაკაცი ადგილზე გარდაიცვალა. 43 წლის თანამშრომლის გადარჩენას კი ექიმები ცდილობდნენ, თუმცა დაზიანებები მძიმე აღმოჩნდა. მამაკაცი საავადმყოფოში გარდაიცვალა",- აცხადებს პროკუდინი.
ავტორი: ექსპრესნიუსი,
epn.ge (@expressnews.ge)
