2023-06-22 19:23:57, 1323 ნახვა

---

უკრაინის პრემიერი - რუსების მიერ ოკუპირებული ჩვენი მიწების გათავისუფლებასთან დაკავშირებით ოპტიმისტურად ვარ განწყობილი

ჩვენ ძალიან ჭკვიანურ შემტევ ოპერაციებს ვახორციელებთ და ამის გამო კონტრშეტევას დრო დასჭირდება, - ამის შესახებ უკრაინის პრემიერ-მინისტრმა, დენის შმიგალმა განაცხადა.

მისივე თქმით, კონტრშეტევის შეფერხების ერთ-ერთი გამომწვევი მიზეზი ისაა, რომ უკრაინის მომზადების პერიოდში, რუსეთის სამხედრო ძალებიც ემზადებიან და ნაღმავენ საბრძოლო ველს.

როგორც შმიგალი აღნიშნავს, ის კონტრშეტევის წარმატებასთან დაკავშირებით ოპტიმისტურადაა განწყობილი.

"მაგრამ ჩვენ გვაქვს განზრახვა წავიდეთ წინ. ჩვენ ვაპირებთ წინსვლას და მე აბსოლუტურად ოპტიმისტურად ვარ განწყობილი რუსების მიერ ოკუპირებული ჩვენი მიწების გათავისუფლებასთან დაკავშირებით“, - განაცხადა შმიგალმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი