2023-06-19 16:43:09, 1547 ნახვა

---

პესკოვი ოკუპირებულ ხერსონში გაეროს ჰუმანიტარული მისიის არ შეშვებაზე - რთულია მათთვის უსაფრთხოების უზრუნველყოფა

რუსეთის ფედერაციის პრეზიდენტის პრესმდივანი, დიმიტრი პესკოვი დროებით ოკუპირებულ ხერსონში გაეროს ჰუმანიტარული მისიის წარმომადგენლების არ შეშვების საკითხს გამოეხმაურა.

როგორც პესკოვმა განაცხადა, უკრაინის სამხედრო ძალების მხრიდან აღნიშნული ტერიტორიების დაბომბვა ინტენსიურ რეჟიმში ხდება, აქედან გამომდინარე ადგილზე გაეროს წარმომადგენლებისთვის უსაფრთხოების უზრუნველყოფა რთული იქნებოდა.

"უკრაინის მხრიდან მიმდინარეობს მუდმივი დაბომბვა, მუდმივი პროვოკაციები, იბომბება სამოქალაქო ობიექტები, იბომბება ხალხი, მოსახლეობა, ხალხი იღუპება. ასე რომ, აქ ყველაფერი ძალიან რთულია - ძალიან რთულია მათთვის უსაფრთხოების უზრუნველყოფა", - განაცხადა პესკოვმა.

შეგახსენებთ, რუსეთმა უარი თქვა დროებით ოკუპირებულ ტერიტორიებზე გაეროს წარმომადგენლების შეშვებაზე, რომლებიც კახოვკის ჰიდროელექტროსადგურის აფეთქების შედეგად დაზარალებულების დახმარებას ცდილობენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი