ვულოცავ ჩვენს დევნილ ოჯახებს ახალმოსახლეობას. ვუსურვებ მათ ბედნიერ ცხოვრებას და საკუთარ სახლებში მალე დაბრუნებას,- ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ზურაბ აზარაშვილმა ქუთაისში, 480 დევნილი ოჯახისთვის ბინების გადაცემის ცერემონიაზე.

აზარაშვილის განცხადებით, უახლოეს მომავალში, დასრულდება ამავე კომპლექსში მდებარე, ორი საცხოვრებელი კორპუსის მშენებლობაც, სადაც ახალ ბინებს, კიდევ 320 ოჯახი მიიღებს.  

„საერთო ჯამში, ამ საცხოვრებელ კომპლექსში, 800 დევნილი ოჯახი იცხოვრებს. მინდა, მადლობა გადავუხადო ინფრასტრუქტურის სამინისტროს, ჩატარებული სამუშაოებისთვის“, - აღნიშნა ზურაბ აზარაშვილმა.  

მინისტრის განცხადებით, დევნილების საცხოვრებელი პირობების გაუმჯობესების მიზნით, 2022 წელს, მასშტაბური სამუშაოები განხორციელდა, რისთვისაც 100 მილიონ ლარზე მეტი დაიხარჯა.

„გასული წლის განმავლობაში, 3500-ზე მეტ დევნილ ოჯახს გადაეცა საცხოვრებელი ფართი. უნდა აღინიშნოს, რომ 30 წლის განმავლობაში, წლების მიხედვით გადაცემული ბინების რაოდენობით, ეს რეკორდული რიცხვია.

ჩვენ, აქტიურად ვაგრძელებთ მუშაობს და მოგახსენებთ, რომ წელს,უკვე 1500 -ზე მეტმა ოჯახმა მიიღო საცხოვრებელი ფართი, ეს რიცხვი კი, წლის ბოლომდე, მნიშვნელოვნად გაიზრდება. 2023 წელს, ამ მიმართულებით გამოყოფილი თანხა 230 მილიონ ლარზე მეტია“, - აღნიშნა ზურაბ აზარაშვილმა.  

ავტორი: NS (სტატია დაფინანსებულია),

სოციალური ქსელები

უკრაინამ რუსეთის მიმართულებით გაშვებული დრონებისა და რაკეტების რაოდენობით ახალი რეკორდი დაამყარა

სააკაშვილმა შავ ჭირის საფრთხის გამო რუსეთთან საზღვრის დაუყოვნებლივ ჩაკეტვისკენ მოუწოდა

ევროკავშირის ელჩი საქართველოში: იდენტობასა და ევროპულ ინტეგრაციას შორის არჩევანი ცრუ დილემაა

პაპუაშვილი: უმჯობესია შორეულ ქვეყნებთან პირდაპირი კომუნიკაციის შენარჩუნება