სომხეთი უკრაინასთან ომში რუსეთის მოკავშირე არ არის,- ამის შესახებ სომხეთის პრემიერ-მინისტრმა, ნიკოლ ფაშინიანინმა CNN primanews-თან საუბრისას განაცხადა. 

ფაშინიანის თქმით, უკრაინაში მიმდინარე ომი სომხეთის ურთიერთობებზე მოქმედებს.

"რა თქმა უნდა, ხმამაღლა ეს არასდროს თქმულა, მაგრამ ვფიქრობ, შესამჩნევია: ჩვენ არ ვართ რუსეთის მოკავშირეები უკრაინასთან ომში. ჩვენი გრძნობა ამ ომზე, ამ კონფლიქტზე არის განგაში, რადგან ის პირდაპირ მოქმედებს ჩვენს ყველა ურთიერთობაზე",- განაცხადა ფაშინიანმა.

მისივე თქმით, სომხეთი ახლა მოკავშირის გარეშე და დაუცველი რჩება, რადგან დასავლეთში ერევანი მოსკოვის მოკავშირე ჰგონიათ. 

"დასავლეთში ამჩნევენ, რომ ჩვენ რუსეთის მოკავშირეები ვართ, უფრო სწორად, უფრო ამჩნევენ. რუსეთში ხედავენ, რომ ჩვენ არ ვართ მათი მოკავშირეები უკრაინის წინააღმდეგ ომში. გამოდის, რომ ამ სიტუაციაში ჩვენ არავის მოკავშირეები არ ვართ, ანუ დაუცველები ვართ. ამის მიუხედავად, ვფიქრობ რომ ამ დაპირისპირებებში არსებობს ლავირების შესაძლებლობა, თუმცა სიმართლე ისაა, რომ რაც უფრო რთულდება ვითარება, უფრო რთულდება ლავირების შესაძლებლობა. ჩვენ ვლავირებთ განა იმიტომ, რომ სიტუაციაზე ჩვენი მოსაზრება არ გაგვაჩნია, არამედ იმ მიზეზით, რაც წუთის წინ ვახსენე: ჩვენი საზრუნავი, სამწუხაროდ, იმდენად ბევრია, რომ ისინი არ გვაძლევენ საშუალებას, უფრო მეტად ჩართული ვიყოთ სხვა პრობლემების გადაჭრაში",- დასძინა ფაშინიანმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია