2023-06-01 09:19:30, 938 ნახვა
მსოფლიო
მაიკ პენსი 2024 წლის საპრეზიდენტო არჩევნებში საკუთარ კანდიდატურას წარადგენს
ამერიკის შეერთებული შტატების ყოფილი ვიცე-პრეზიდენტი მაიკ პენსი 2024 წლის საპრეზიდენტო არჩევნებში საკუთარ კანდიდატურას წარადგენს. აღნიშნულ ინფორმაციას ABC News-ი ავრცელებს.
მედიის ცნობით, ტრამპის ადმინისტრაციის ვიცე-პრეზიდენტი მხარდამჭერების წინაშე 7 ივნისს, აიოვას შტატში წინასაარჩევნო კამპანიისთვის შექმნილი ვიდეორგოლითა და სიტყვით წარსდგება.
პენსი არჩევნებში აშშ-ის 45-ე პრეზიდენტს, დონალდ ტრამპს დაუპირისპირდება. ამ დროის მონაცემებით, პრეზიდენტის პოსტის დასაკავებლად მოქმედი პრეზიდენტი ჯო ბაიდენი და ფლორიდის გუბერნატორი რონ დესანტისიც იბრძოლებენ.
ავტორი: ექსპრესნიუსი,
epn.ge (@expressnews.ge)
