2023-05-25 16:38:42, 876 ნახვა
საზოგადოება
ასპინძის მუნიციპალიტეტში 12 ადამიანს ბრუცელოზი დაუდასტურდა
ასპინძის მუნიციპალიტეტის სოფელ საყუდაბელში 12 ადამიანს ბრუცელოზი დაუდასტურდა. აღნიშნულ ინფორმაციას "სამხრეთის კარიბჭე" ავრცელებს.
რეგიონული მედიის ცნობით, 12 ადამიანიდან ნაწილი ამ დრომდე კლინიკაშია, ნაწილი კი სახლში აგრძელებს მკურნალობს.
„მოსახლეობა შეშინებული და შეშფოთებულია, ჩივილები ჰქონდათ. დაავადებათა კონტროლის ეროვნულ ცენტრს ვთხოვეთ დახმარება. გამოგზავნეს ჯგუფი, აიღეს ანალიზები“,- ამბობს „სამხრეთის კარიბჭესთან“ ასპინძის საზოგადოებრივი ჯანდაცვის ცენტრის ხელმძღვანელი მზია პაპაშვილი.
ცნობისთვის, ეს რეგიონში ბრუცელოზით დაავადების პირველი შემთხვევა არ არის. ახალციხეში ბრუცელოზით რამდენიმე კვირის წინ 11 წლის ბავშვი დაავადდა.
ავტორი: ექსპრესნიუსი,
epn.ge (@expressnews.ge)
