მომდევნო შეხვედრა რამშტეინის ფორმატში უკრაინის საჰაერო თავდაცვის გაძლიერებას, საბრძოლო მასალის მიწოდებას და F-16 თვითმფრინავების გადაცემას დაეთმობა. ამის შესახებ პენტაგონის სპიკერმა გენერალმა პატრიკ რაიდერმა განაცხადა.

„ამ საკონტაქტო ჯგუფში, ისევე როგორც სხვაში, ყველაფერი დაიწყება იმით, რომ უკრაინა მიმოიხილავს ქვეყანაში არსებული უსაფრთხოების ვითარებას და ისაუბრებს მის გადაუდებელ საჭიროებებზე. ამიტომ, ვიმედოვნებ, რომ სახმელეთო საჰაერო თავდაცვა კვლავაც იქნება პრიორიტეტული თემა. ისევე როგორც საბრძოლო მასალა, რათა კიდევ ერთხელ უზრუნველვყოთ მათი ბრძოლის უნარი. შემდეგ კი ასევე იქნება დისკუსია F-16-ის მომზადებაზე“, - განაცხადა მან.

რაიდერმა დასძინა, რომ უკრაინელი მფრინავების წვრთნა ჩატარდება უკრაინის ფარგლებს გარეთ - ევროპის ობიექტებზე.

„რაც შეეხება დამატებით დეტალებს და როდის დაიწყება ეს წვრთნები, როგორ იქნება ეს თვითმფრინავები და ვინ მიაწვდის უკრაინას მათ, ვერ გეტყვით“, - განაცხადა აშშ-ს თავდაცვის დეპარტამენტის წარმომადგენელმა.

პენტაგონის პრესსამსახურის ცნობით, რამშტეინის ფორმატში რიგით მე-12 შეხვედრა ონლაინ 25 მაისს გაიმართება.

ავტორი: ექსპრესნიუსი,

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას