მიმაჩნია, რომ უკრაინელები დღეს ერთ-ერთი უძლიერესი არმიაა მსოფლიოში,- აღნიშნულის შესახებ რუსული კერძო სამხედრო დაჯგუფების, „ვაგნერის“ ხელმძღვანელმა, ევგენი პრიგოჟინმა განაცხადა.

პრიგოჟინის თქმით, უკრაინელები „უაღრესად ორგანიზებულები და მაღალკვალიფიციურები" არიან.

„შემიძლია საკუთარი გამოცდილებიდან გამომდინარე ვიმსჯელო, ვიცი, როგორ იბრძვიან სხვადასხვა ქვეყნები. დღეს „ვაგნერი“ არის საუკეთესო არმია მსოფლიოში და ამის შემდეგ, რა თქმა უნდა, იმისთვის, რომ პოლიტიკურად სწორი ვიყო, უნდა ვთქვა, რომ ეს უნდა იყოს რუსული არმია, მაგრამ მიმაჩნია, რომ უკრაინელები დღეს ერთ-ერთი უძლიერესი არმიაა მსოფლიოში.

სპეცოპერაციის დასაწყისში უკრაინას თუ ჰყავდა 500 ტანკი, ახლა მათ 5 000 ჰყავთ. ომი თუ იცოდა და შეეძლო 20 000 ადამიანს, ახლა ომის წარმოება 400 000-მა ადამიანმა იცის. და, ეს არის დემილიტარიზაცია? გამოდის, პირიქით, ჩვენ უკრაინის მილიტარიზაცია მოვახდინეთ. ვფიქრობ, უკრაინას დღეს უძლიერესი არმია ჰყავს. მათ ორგანიზაციის მაღალი უნარი აქვთ, მომზადების მაღალი უნარით გამოირჩევიან, დაზვერვა მაღალ დონზეა. მათ აქვთ სხვადასხვა შეიარაღება და მეტიც, ისინი მუშაობენ ნებისმიერ არსებულ სისტემაზე, იქნება ეს საბჭოთა თუ ნატო-ს სისტემა და ეს წარმატებით გამოსდით“,- განაცხადა პროგოჟინმა.

ავტორი: ექსპრესნიუსი,

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას