ბაჰრეინის საგარეო საქმეთა მინისტრი უკრაინის პრეზიდენტს შეხვდა [ვიდეო]

2023-05-05 16:48:28, 1280 ნახვა

მსოფლიო

ბაჰრეინის საგარეო საქმეთა მინისტრი აბდულატიფ ბინ რაშიდ ალ-ზაიანი ოფიციალური ვიზიტით უკრაინაში ჩავიდა, სადაც ის უკრაინის პრეზიდენტს, ვოლოდიმირ ზელენსკის შეხვდა.

როგორც შეხვედრაზე ვოლოდიმირ ზელენსკიმ აღნიშნა, უკრაინას მშვიდობა სურს, აქედან გამომდინარე საერთაშორისო საზოგადოებას უკრაინული მშვიდობის ფორმულა შესთავაზა, მან შეხვედრაზე ასევე შესთავაზა ბაჰრეინს, რომ ფორმულის გარკვეული პუნქტების განხორციელებასა და მომავალ სამშვიდობო სამიტში მონაწილეობა მიიღოს.

"უკრაინას მშვიდობა სურს და ამიტომაც შევთავაზე უკრაინული მშვიდობის ფორმულა საერთაშორისო საზოგადოებას. ჩვენ მადლობელი ვიქნებით ყველა სახელმწიფოსი, ვისაც ნამდვილად სურს დაეხმაროს უკრაინას მშვიდობის მიღწევაში. მე ვიწვევ ბაჰრეინს მონაწილეობა მიიღოს ამ ფორმულის გარკვეული პუნქტების განხორციელებასა და მომავალ სამშვიდობო სამიტში", - წერს ზელენსკი.