ხერსონის და ხერსონის რეგიონის დასახლებების მასიური დაბომბვისას, 16:30 საათის მონაცემებით, 16 ადამიანი დაიღუპა. დაახლოებით 22-მა მიიღო სხვადასხვა სიმძიმის დაზიანებები. - ამის შესახებ უკრაინის გენერალური პროკურატურა იუწყება.

მათივე ცნობით, რუსმა ოკუპანტებმა ხერსონობლენერგოს საჰაერო და საკაბელო ელექტრო ქსელების სამსახურის ბრიგადას ცეცხლი გაუხსნეს სოფელ სტეპანოვკასთან. ენერგეტიკულმა ინჟინერებმა შეაკეთეს ელექტრო ქსელები რუსული არმიის რეგულარული თავდასხმების შემდეგ, რათა ხალხს მიეწოდებინათ სინათლე.

სამწუხაროდ, ენერგოკომპანიის სამი თანამშრომელი მიყენებული დაზიანებების შედეგად გარდაიცვალა. ეს არის ოსტატი ვლადისლავ პიდგაინი, ელექტრიკოსები ანდრეი ფედოტკინი და არტემ ვერეტელნიკი.
ხერსონის რაიონულმა პროკურატურამ დაიწყო წინასწარი გამოძიება ომის კანონებისა და წეს-ჩვეულების დარღვევაზე, რაც განზრახ მკვლელობას გულისხმობს (უკრაინის სისხლის სამართლის კოდექსის 438-ე მუხლის მე-2 ნაწილი).

3 მაისს რუსებმა ხერსონსა და რეგიონში რამდენიმე თავდასხმა განახორციელეს სამოქალაქო ინფრასტრუქტურასა და მშვიდობიან მოსახლეობაზე.

ავტორი: ექსპრესნიუსი,

სოციალური ქსელები

რუსთავი 2: ევროპული სახელმწიფოს სასარგებლოდ ჯაშუშობისთვის გიორგი უძილაური დააკავეს

პაპუაშვილი: პრეზიდენტ ზელენსკის მოუწია ირაკლი კობახიძესთან მისვლა და საუბარი

რასა იუკნევიჩიენე: ახლა საქართველო ყველაზე ცუდ კანდიდატებს შორისაა

თიბისის 5 ჯილდო The Digital Banker-ისგან საუკეთესო ციფრული გამოცდილება აღმოსავლეთ ევროპაში