რუსეთის ფედერაციის საგარეო საქმეთა მინისტრის, სერგეი ლავროვის განცხადებით, "მარცვლეულის შეთანხმება" ჩიხში შევიდა. 

როგორც ლავროვმა პრესკონფერენციაზე აღნიშნა, "კიდევ არსებობს დაბრკოლებები, რაც რუსული პროდუქციის ექსპორტს ბლოკავს".

„ვერ ვიტყვი, რომ გაერო ძალისხმევას იშურებს - არა, პირიქით, გაერო-ს წარმომადგენლები ცდილობენ მოლაპარაკებებს იმ ქვეყნებთან, რომელთაც დააწესეს ცალმხრივი სანქციები რუსეთის ფედერაციის წინააღმდეგ, თუმცა შედეგი არ არის. მთავარი ბანკი, რომელიც ემსახურება ჩვენს სასოფლო-სამეურნეო ექსპორტს, გათიშულია „სვიფტიდან“ და უკან არავინ აბრუნებს. ამის სანაცვლოდ კი, ერთჯერად ალტერნატივას გვთავაზობენ“, - ამბობს რუსეთის საგარეო უწყების ხელმძღვანელი.

ცნობისთვის, მარტში, "მარცვლეულის შეთანხმება" 60 დღის ვადით განახლდა. ამის მიუხედავად, რუსეთმა განაცხადა, რომ თუ დასავლეთი არ მოხსნის სანქციებს, შესაძლოა, შეთანხმების ვადის გაგრძელებას აღარ დათანხმდეს.

აღსანიშნავია ისიც, რომ რამდენიმე დღის წინ, რუსეთის ფედერაციის თავდაცვის სამინისტრომ უკრაინა "მარცვლეულის შეთანხმების" დარღვევაში დაადანაშაულა.

თავდაცვის უწყების მტკიცებით, 23-24 აპრილს, უკრაინამ ოკუპირებულ სევასტოპოლში, შავი ზღვის ფლოტის ბაზასა და ყირიმის სამოქალაქო ინფრასტრუქტურაზე თავდასხმები განხორციელა.

მათივე ცნობით, გარდა ამისა, უეკიპაჟო კატერები, რომლებიც "შავი ზღვის ინიციატივის" რეალიზაციისთვის არის განკუთვნილი, ოდესის პორტის მიმდებარე წყლებიდან გაუშვეს. 

ავტორი: ექსპრესნიუსი,

სოციალური ქსელები

ევროკავშირის ქვეყნები რუსეთში შავი ჭირის შესაძლო აფეთქების საკითხს განიხილავენ

თიბისის მხარდაჭერით საქართველოში პირველი საერთაშორისო AI კონფერენცია Crossroad AI გაიმართა

სექტემბერში ავტოტრანსპორტის გამონაბოლქვის დადგენილ ნორმებთან შეუსაბამობის 751 ფაქტი დაფიქსირდა

თბილისის მერია შსს-თან ერთად, გზაჯვარედინებზე ე.წ. Yellow box-ის დანერგვაზე მუშაობა დაავალა