2023-04-24 09:26:27, 1365 ნახვა

---

ბრაზილიის პრეზიდენტი - რუსეთი უკრაინაში არ უნდა შეჭრილიყო - მხარეების არჩევის ნაცვლად, ვირჩევ მესამე გზას - მშვიდობის მშენებლობას

ბრაზილიის პრეზიდენტი ლუის ინასიო ლულა და სილვა, გლობალური ჰარმონიის მისაღწევად, რუსეთ-უკრაინის ომის დასრულების აუცილებლობაზე საუბრობს.

როგორც ლულა და სილვამ პორტუგალიაში ვიზიტის დროს, ქვეყნის პრეზიდენტთნ, მარსელო რებელო დე სოუსასთან ერთად გამართულ პრესკონფერენციაზე განაცხადა, რუსეთი უკრაინაში არ უნდა შეჭრილიყო.

„აბსოლუტურად დარწმუნებული ვარ, რომ ჩვენ ვიპოვით ბევრად უკეთეს შედეგს მსოფლიოსთვის, თუ მოვახერხებთ მშვიდობის დამყარების გზის პოვნას. ეს ომი არ უნდა დაწყებულიყო, რუსეთი არ უნდა შეჭრილიყო, მაგრამ ეს მოხდა. ფაქტია, რომ ასე მოხდა. ამიტომ, მხარეების არჩევის ნაცვლად, მინდა ავირჩიო მესამე გზა, მშვიდობის მშენებლობა“,- განაცხადა ბრაზილიის პრეზიდენტმა.

ცნობისთვის, უფრო ადრე, ლუის ინასიო ლულა და სილვა ამბობდა, რომ რუსეთ-უკრაინის ომისთვის პასუხისმგებლობას უკრაინაც იზიარებდა და რომ დასავლური სამხედრო დახმარება კონფლიქტს მხოლოდ აძლიერებდა.

ბრაზილიის პრეზიდენტის აღნიშნულმა განცხადება ევროკავშირში, აშშ-სა და კიევში გაღიზიანება გამოიწვია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი