კიევი იყო და რჩება აგრესორის სამიზნე, მაგრამ ახლა ბევრად უკეთ არის დაცული, - ამის შესახებ კიევის მერმა, ვიტალი კლიჩკომ "ამერიკის ხმასთან" ინტერვიუში განაცხადა.

კლიჩკოს თქმით, ხელისუფლებამ კიევის აგრესიისგან დაცვის დეტალური პროგრამა შეიმუშავა.

"კიევი იყო და რჩება აგრესორის სამიზნე. კიევი არის გული, კიევი არის დედაქალაქი. ასე რომ, ჩვენ ყველაფერს ვაკეთებთ იმისთვის, რომ განვჭვრიტოთ სხვადასხვა სცენარი, თუნდაც ყველაზე უარესი, რომ თუ ვინმეს შეუძლია და სურს, შეუძლია - ეს დიდი კითხვაა, სურს კიდევ ერთხელ შეუტიოს კიევს, რათა კბილებში დავარტყათ, შემიძლია ასე ვთქვა.

კიევი ახლა ბევრად უფრო დაცულია, ვიდრე ერთი თვის წინ, ვიდრე ექვსი თვის წინ, კიდევ უფრო მეტად, ვიდრე ერთი წლის წინ. ახლა არის კონტროლის სისტემა, საგუშაგოების სისტემა, თანამედროვე იარაღი და უკვე ჩვენი შეიარაღებული ძალები გაცილებით ძლიერია, ვიდრე ერთი წლის წინათ. ისინი მზად არიან, შეიარაღებულნი არიან და ასევე შემუშავებულია კიევის აგრესიისგან დაცვის უფრო დეტალური პროგრამა", - ამბობს კლიჩკო.

ავტორი: ექსპრესნიუსი,

სოციალური ქსელები

უნგრეთში ორბანის მთავრობის ორი ყოფილი მინისტრი კორუფციის ბრალდებით დააკავეს

ქადაგიშვილი- ირანის ელჩმა კეთილი ინებოს და თავისი კომპეტენციის ფარგლებში თავისი ფუნქციის აღსრულება მოახდინოს

სამხარაძე ირანის ელჩს- დიპლომატის პროტოკოლის ჩარჩოებში დარჩეს და ისტორიულ წიაღსვლებს თავი დაანებოს

გაეროს კომიტეტმა საქართველოს აუკრძალა ტიმოფეევის რუსეთში ექსტრადიცია