გლდანის რაიონის გამგეობის ,,ბინათმესაკუთრეთა ამხანაგობის განვითარების“ პროგრამის ფარგლებში, ამხანაგობის საკუთრებაში არსებული ლიფტების დაფინანსება ხორციელდება. აღნიშნულის შესახებ ინფორმაციას გლდანის რაიონის გამგეობა ავრცელებს.

უწყების ცნობით, ამ ეტაპზე, სამუშაოები 7  მისამართზე დასრულდა, 5 მისამართზე კი მიმდინარეობს. მათ შორის, სამუშაოები გლდანის მეხუთე მიკრორაიონის N18 კორპუსის VIII სადარბაზოში და ამავე მიკრორაიონის N26 ა კორპუსის I სადარბაზოში დასრულდა.

„ლიფტების რეაბილიტაცია ასევე, მუხიანის I მიკრორაიონის N16  კორპუსში და ილორის N22 კორპუსის II მეორე სადარბაზოშიც ჩატარდა.   

მოდერნიზაციის სამუშაოების შედეგად, ლიფტები სრულად რეაბილიტირდა. შეიცვალა როგორც ლიფტის კაბინა, ასევე, მართვის კოლოფი. ჯამში, შვიდი  ლიფტის სრული რეაბილიტაციისთვის გამგეობის ბიუჯეტიდან 314 150  ლარი დაიხარჯა.

„ბინათმესაკუთრეთა ამხანაგობების განვითარების ხელშეწყობის“ პროგრამის ფარგლებში, გამგეობა სამუშაოებს  100%-ით აფინანსებს. ამხანაგობა კი, თავის მხრივ ვალდებულია, სამუშაოების ღირებულების 5%-ის ოდენობის თანხა ამხანაგობის ანგარიშზე განათავსოს და საერთო ქონების მოვლა-პატრონობას მოახმაროს.

რამდენიმე მისამართზე დასრულებულ სამუშაო პროცესს გამგებლის მოვალეობის შემსრულებელი ზურაბ ქაშიაშვილი გაეცნო“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ალეკო ელისაშვილი - პენიტენციური იტყუება, 2 ოქტომბერს ინგრეოდა და ზანზარებდა ციხე, ილეწებოდა შუშები

კობახიძე - პენიტენციური სამსახურის მიერ გავრცელებული კადრებში ჩანს, რომ პენიტენციური უწყება მოქმედებდა სტანდარტებისა და პროპორციულობის პრინციპის შესაბამისად

კობახიძე - ციხეებში ვერავითარი აჟიოტაჟი ვერ შექმნეს - ვითარება ბოლომდე კონტროლის ქვეშაა

რა წერია ევროპარლამენტის რეზოლუციის პროექტში, რომელიც ოპოზიციური პარტიების აკრძალვაზეა