ძალიან მნიშვნელოვანი დღეა ჩვენი ქვეყნის ისტორიაში, როდესაც ძალიან დიდი სისხლის ფასად, ჩვენი მოვიპოვეთ დამოუკიდებლობა, - ამის შესახებ საქართველოს სახალხო დამცველმა, ლევან იოსელიანმა განაცხადა.

როგორც ომბუდსმენმა მედიის წარმომადგენლებთან საუბრისას აღნიშნა, 9 აპრილი მწუხარებისა და სიამაყის დღეა.

"ეს არის ერთდროულად მწუხარებისა და სიამაყის დღე. მნიშვნელოვანია, მომავალ თაობას გადავცეთ ამ დღის მნიშვნელობა - იცოდნენ, რა დაუჯდა ამ ქვეყანას დამოუკიდებლობის მოპოვება და ყოველთვის ახსოვდეთ იმ გმირების სახელები და გვარები, რომლებიც აქ, რუსთაველის გამზირზე დაიღუპნენ და ვისი სისხლითაც ჩვენ მივიღეთ უკვე თავისუფლება", - განაცხადა ლევან იოსელიანმა.

დღეს, 9 აპრილის ტრაგედიიდან 34 წელი გავიდა. 1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილების მიერ თბილისში, პარლამენტის შენობასთან, მშვიდობიანი საპროტესტო აქციის დარბევას მსხვერპლი მოჰყვა.

დარბევის შედეგად 21 ადამიანი დაიღუპა, ათასობით მოქალაქე კი, დაუდგენელი შემადგენლობის გაზით მოიწამლა.

მოგვიანებით, 1991 წლის 9 აპრილს, უზენაესმა საბჭომ საქართველოს სახელმწიფოებრივი დამოუკიდებლობის აღდგენის შესახებ გამოაცხადა.

ავტორი: ექსპრესნიუსი,

სოციალური ქსელები

ირაკლი კობახიძე ირაკლი ღარიბაშვილის გზავნილებს ქვეყნის იზოლაციაზე ნაცურს უწოდებს

სარჯველაძე: 35 000-მდე ოჯახს შეუწყდა საარსებო შემწეობა, უმრავლესობის მდგომარეობა გაუმჯობესდა

საია: ადვოკატს არ მისცეს დავითაძესთან შეხვედრისას გაკეთებული ჩანაწერების გატანის უფლება

მჟავანაძე ბრიტანეთის სანქციების შემდეგ - მთლად სახუმაროც არ არის ეს სანქცია, ვერცერთი ბანკი ვერ მომემსახურება