მე კიდევ ერთხელ მოვუწოდებ ყველა ჟურნალისტს, რომ კითხვების დასმასთან ერთად, გაეცანით, წაიკითხეთ წესებს, - ამის შესახებ საქართველოს პარლამენტის თავმჯდომარემ, შალვა პაპუაშვილმა  საკანონმდებლო ორგანოს მიერ ჟურნალისტებისთვის აკრედიტაციის შეჩერების საკითხთან დაკავშირებით განაცხადა.

როგორც პაპუაშვილმა მედიის წარმომადგენლებს უთხრა, არ შეიძლება რესპონდენტების დევნა. 

"იმისთვის, რომ პარლამენტში ჟურნალისტსა და რესპონდენტს შორის თანამრომლობა იყოს საქმიანი და ეს არ იყოს აჟიტირება, დევნა, შევარდნები ოთახში და ა.შ. რაც იყო პრაქტიკა საქართველოს პარლამენტში - სამწუხარო პრაქტიკა, რომ გაცდენილი იყო ზოგიერთი ჟურნალისტი ეთიკური ჟურნალისტიკის მინიმალურ სტანდარტს, ამიტომ იქნა შემოღებული... მე კიდევ ერთხელ მოვუწოდებ ყველა ჟურნალისტს, რომ კითხვების დასმასთან ერთად, გაეცანით, წაიკითხეთ წესებს. სამი არის ძირითადი, რაც ჩანს ხოლმე - მაგალითად, ადამიანს, წინასწარი თანხმობის გარეშე, აპარატის თანამშრომელს ან პარლამენტის წევრს არ შეუვარდეს ჩართული კამერით, მე მგონი გასაგებია", - განაცხადა შალვა პაპუაშვილმა. 

ცნობისთვის, პარლამენტმა "ტვ პირველის“ ჟურნალისტ რუსუდან დუმბაძეს, „მთავარი არხის“ ჟურნალისტ თათია წოწონავას, „ფორმულას“ ჟურნალისტ სოფიო გოზალაშვილს და ამავე მედიასაშუალებების ოპერატორებს აკრედიტაცია შეუჩერა.

ავტორი: ექსპრესნიუსი,

სოციალური ქსელები

ირაკლი კობახიძე ირაკლი ღარიბაშვილის გზავნილებს ქვეყნის იზოლაციაზე ნაცურს უწოდებს

სარჯველაძე: 35 000-მდე ოჯახს შეუწყდა საარსებო შემწეობა, უმრავლესობის მდგომარეობა გაუმჯობესდა

საია: ადვოკატს არ მისცეს დავითაძესთან შეხვედრისას გაკეთებული ჩანაწერების გატანის უფლება

მჟავანაძე ბრიტანეთის სანქციების შემდეგ - მთლად სახუმაროც არ არის ეს სანქცია, ვერცერთი ბანკი ვერ მომემსახურება