01:04 - 29 May, 2024
ჩვენ შესახებ რეკლამა/ხელმოწერა
2023-04-06 19:25:04, 1319 ნახვა

კომენტარი
გვარამია - ​სასამართლო კლანის 4 ლიდერის დასანქცირება, ქართველი ხალხის მიმართ ყველაზე მეგობრული ნაბიჯია

სახელმწიფო დეპარტამენტის მიერ სასამართლო კლანის 4 ლიდერის დასანქცირება, ჩემი აზრით, ყველაზე მნიშვნელოვანი კონტრიბუციაა საქართველოს დემოკრატიაში და ყველაზე მეგობრული ნაბიჯი ქართველი ხალხის მიმართ, - ასე გამოეხმაურა "მთავარი არხის" გენერალური დირექტორი, ნიკა გვარამია, აშშ-ის სახელმწიფო დეპარტამენტის მიერ ოთხი მოსამართლის დასანქცირების საკითხს.

მისივე თქმით, გუშინდელმა დღემ ცხადი გახადა, რომ საქართველოს ვერ ეყოლება იმგვარი ხელისუფლება, რომელიც ქვეყნის მთავარ პრიორიტეტად დემოკრატიის მშენებლობას და განმტკიცებას არ აღიარებს.

"სახელმწიფო დეპარტამენტის მიერ სასამართლო კლანის 4 ლიდერის დასანქცირება, ჩემი აზრით, ყველაზე მნიშვნელოვანი კონტრიბუციაა საქართველოს დემოკრატიაში და ყველაზე მეგობრული ნაბიჯი ქართველი ხალხის მიმართ, რაც კი შესაძლებელია. თავისი მასშტაბით და პოზიტიური ეფექტით აღემატება ნებისმიერ ფინანსურ დახმარებას თუ სხვა სახის მხარდაჭერას.

ასე მუშაობს ლიბერალური დემოკრატია!

დიდი მადლობა ამერიკელ ხალხს, პრეზიდენტ ბაიდენს და სახელმწიფო მდივან ბლინკენს.

ცალკე აღნიშვნის ღირსია ელჩი დეგნანის გადაწყვეტილება, გუშინდელი ისტორიული მოვლენის მომდევნო დღესვე ინტერვიუ მიეცა მთავარი არხისთვის. ჩვენთვის სრულიად გასაგებია ამ გზავნილის შინაარსი. გასაგებია და ძალიან ვაფასებთ. დიდი მადლობა ამერიკის საელჩოს საქართველოში და პირადად ელჩ დეგნანს.

არ შეიძლება არ აღვნიშნო, რომ არა კონკრეტულად ამ საკითხში, არამედ გლობალურად ადამიანზე ორიენტირებული პოლიტიკა რომ არ დაბრუნებულიყო მსოფლიოს დღის წესრიგში, ამგვარი რევოლუციური გადაწყვეტილებები კიდევ უფრო დაიგვიანებდა. სწორედ ამ რაკურსით უნდა შევხედოთ ამ საკითხს და განსაკუთრებული მადლობა ვუთხრათ ამ რევოლუციური საკაცობრიო ცვლილებების ავტორს - გმირ უკრაინელ ხალხს და გმირ პრეზიდენტ ზელენსკის.

გუშინდელმა დღემ ცხადი გახადა, რომ ამ ქვეყანას ვერც ახლა და ვერც მომავალში ვერ ეყოლება იმგვარი ხელისუფლება, რომელიც ქვეყნის მთავარ პრიორიტეტად დემოკრატიის მშენებლობას და განმტკიცებას არ აღიარებს.

წარმატებას ვუსურვებ ჩვენს ხალხს ამ მიმართულებით სვლაში, და მხოლოდ ხალხის წინაშე ანგარიშვალდებული, დემოკრატიის წინაშე ვალდებულებით შეზღუდული, თავისუფალი და პატრიოტი პოლიტიკური და სამოქალაქო ლიდერების წინამძღოლობით.

p.s. საგარეო საქმეთა მინისტრის წერილი სახელმწიფო დეპარტამენტს და ლევან მურუსიძის გამოსვლა იუსტიციის უმაღლესი საბჭოს სხდომაზე იდენტური გზავნილების შემცველია: “„საქართველოს აშშ ართმევს სუვერენიტეტს და სურს სასამართლო ხელისუფლების მიტაცება”. ეს პროპაგანდისტული გზავნილი არის უკიდურესად სახიფათო. ეს არის პირდაპირი და უმოკლესი გზა რუსეთისკენ. ჩვენი ეროვნული ინტერესების ღალატია.

სისტემა უნდა დაინგრეს!

საქართველო უნდა გათავისუფლდეს!

ნიკა #212 - ე საკნიდან", - წერს ნიკა გვარამია.

შეგახსენებთ,  გუშინ, 5 აპრილს აშშ-ის სახელმწიფო დეპარტამენტმა მოსამართლე მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე კორუფციის გამო დაასანქცირა.

სანქცია ითვალისწინებს აღნიშნული პირებისა და მათი უშუალო ოჯახის წევრების მიმართ აშშ-ში შესვლის აკრძალვას. 




ავტორი: ექსპრესნიუსი,


სოციალური ქსელები
კონგრესის საგარეო კომიტეტის თავმჯდომარე - პარლამენტმა გადაწყვიტა საქართველო ბნელ გზაზე ატარონ, უფრო ღრმად რუსეთის ორბიტაში
ნაუსედა - საქართველო იმსახურებს უკეთესს - ზურაბიშვილო, გამაგრდი
მილერი - კანონის მიღებით, „ქართულმა ოცნებამ“ ქვეყანა უფრო დააშორა ევროინტეგრაციის გზას
არასამთავრობოები - რუსული კანონი დარჩება ფარატინა ქაღალდად, ჩვენ ვაცხადებთ დაუმორჩილებლობას

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics