გარემოს დაცვისა და სოფლის მეურნეობის მინისტრის მოადგილე ნინო თანდილაშვილი, ბრიუსელში, საქართველოს უწყებათაშორისი დელეგაციის ვიზიტის ფარგლებში, ევროკომისიის გაფართოებისა და სამეზობლო მოლაპარაკებების საკითხებში გენერალური დირექტორატისა (DG NEAR) და სხვადასხვა სექტორული სამსახურის (DG) წარმომადგენლებთან შეხვედრებში მონაწილეობდა. 

სოფლის მეურნეობის სამინისტროს ცნობით, ნინო თანდილაშვილმა კონსულტაციები გამართა სოფლის მეურნეობის, სურსათის უვნებლობისა და კლიმატის საკითხებზე მომუშავე დირექტორატების ხელმძღვანელებთან და წარმომადგენლებთან.

"შეხვედრების ფარგლებში, ნინო თანდილაშვილმა ევროკომისიის შესაბამის სამსახურებს დეტალური ინფორმაცია მიაწოდა საქართველოს პროგრესის შესახებ სოფლის მეურნეობის, სურსათის უვნებლობისა და კლიმატის ცვლილებების სფეროში ევროკავშირთან ასოცირების შეთანხმებით ნაკისრი ვალდებულებების შესრულების მიმართულებით არსებულ შედეგებზე. 

ნინო თანდილაშვილმა ხაზგასმით აღნიშნა, რომ გარემოს დაცვისა და სოფლის მეურნეობის სამინისტრო აგრძელებს ინტენსიურ მუშაობას ეროვნული კანონმდებლობისა და სისტემების ევროკავშირთან დაახლოების კუთხით.  დაიგეგმა თანამშრომლობის გაღრმავება და ევროკავშირის შესაბამისი სამსახურების ვიზიტი საქართველოში მეტი სექტორული და ინსტიტუციური დაახლოებისთვის საქართველოს ევროკავშირში გაწევრიანების გზაზე. 

საქართველოს უწყებათაშორის დელეგაციას საგარეო საქმეთა მინისტრის მოადგილე თეიმურაზ ჯანჯალია ხელმძღვანელობდა", - ნათქვამია სოფლის მეურნეობის სამინისტროს ინფორმაციაში.

ავტორი: NS (სტატია დაფინანსებულია),

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს