გორის მუნიციპალიტეტის სოფელ ფლავის საჯარო სკოლიდან გაათავისუფლეს მასწავლებელი, რომელმაც მე-7 კლასის მოსწავლეზე, სავარაუდოდ, იძალადა.

როგორც გორის რესურსცენტრის ხელმძღვანელმა, ნანა ტერმაკოზაშვილმა "მთავარ არხთან" სატელეფონო საუბრისას განაცხადა, მომხდართან დაკავშირებით სკოლის ადმინისტრაციამ პოლიციას უკვე მიმართა და ყველანაირი ინფორმაცია გადასცა.

"დისციპლინარულმა კომიტეტმა დაიწყო მოკვლევა და დღეს დაასრულა. პედაგოგი გათავისუფლდა სკოლიდან. დიახ [ფიზიკურად შეეხო მოსწავლეს]. გადაცემულია პოლიციაზე [ინფორმაცია] და გამოძიების დაწყება პოლიციის საქმეა, სკოლამ პოლიციას მიმართა",- განაცხადა ნანა ტერმაკოზაშვილმა.

აღსანიშნავია, რომ მასწავლებლის მიერ მოსწავლეზე ძალადობის ამსახველი ვიდეო მეშვიდე კლასის მოსწავლეებმა სოციალურ ქსელში გაავრცელეს.

ჯერჯერობით უცნობია, მომხდარ ფაქტთან დაკავშირებით დაიწყო თუ არა შინაგან საქმეთა სამინისტრომ გამოძიება.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს