ევროპული საბჭოს პრეზიდენტის, შარლ მიშელის განცხადებით, საქართველოს, უკრაინისა და მოლდოვის EU-ში გაწევრიანების საკითხზე მოლაპარაკებების პროცესის დაწყების შესახებ გადაწყვეტილება ევროპულმა საბჭომ წლის ბოლომდე უნდა მიიღოს.

მიშელმა მოლდოვაში ვიზიტის დროს, პრეზიდენტ მაია სანდუსთან ერთად გამართულ პრესკონფერენციაზე იმედი გამოთქვა, რომ გადაწყვეტილება პოზიტიური იქნება. 

"მომავალ თვეში მნიშვნელოვანი ამბები იქნება. ევროკომისია გამოაქვეყნებს მომდევნო მოხსენებას მოლდოვის, უკრაინისა და საქართველოს ინტეგრაციის შესახებ. მე ახლა შემიძლია გითხრათ, რომ ევროპული საბჭო აპირებს ამ საკითხის დღის წესრიგში დაყენებას წლის ბოლომდე. ეს ნიშნავს, რომ წლის ბოლომდე, ევროპულმა საბჭომ უნდა მიიღოს გადაწყვეტილება ამ ქვეყნებთან მოლაპარაკებების დაწყების შესახებ. ეს იქნება პოლიტიკური გადაწყვეტილება, რომელიც მიღებული იქნება კომისიის მოხსენების გათვალისწიებით და იმედი მაქვს, ის პოზიტიური იქნება", - განაცხადა შარლ მიშელმა. 

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს