2023-03-27 20:48:11, 759 ნახვა
პოლიტიკა
„ქართული ოცნება" პარტიულ კონფერენციებს გამართავს
„ქართული ოცნება" ქვეყნის მასშტაბით 73 პარტიულ კონფერენციას გამართავს.
28 მარტს, 12.00 საათზე, ბათუმში, (მისამართი: რუსთაველის, 1; ბათუმის დრამატული თეატრი) „ქართული ოცნების" საქალაქო ორგანიზაციის კონფერენცია გაიმართება.
მმართველი პარტიის თავმჯდომარე, ირაკლი კობახიძე, გენერალური მდივანი, კახა კალაძე, აღმასრულებელი მდივანი, მამუკა მდინარაძე, რეგიონული მდივანი, დიმიტრი სამხარაძე და აჭარის ორგანიზაციის თავმჯდომარე, თორნიკე რიჟვაძე პარტიის ბათუმის ორგანიზაციის წევრებს შეხვდებიან.
კონფერენციის მონაწილეები აირჩევენ საქალაქო ორგანიზაციის თავმჯდომარეს და ბიუროს წევრებს.
29 და 30 მარტს პარტიული კონფერენციები გაიმართება ხულოში, შუახევში, ქედაში, ხელვაჩაურსა და ქობულეთში.
ავტორი: ექსპრესნიუსი,
epn.ge (@expressnews.ge)
