საქართველოს გენერალურ პროკურატურაში აშშ-ის საელჩოს იუსტიციის დეპარტამენტის მხარდაჭერით, კიბერდანაშაულის და ელექტრონული მტკიცებულებების მოპოვების თემაზე ერთწლიანი სასწავლო პროგრამის მეოთხე შეხვედრა გაიმართა. აღნიშნულის შესახებ ინფორმაციას საქართველოს გენერალური პროკურატურა ავრცელებს.

უწყების ცნობით, სასწავლო კურს  იუსტიციის დეპარტამენტის კომპიუტერული დანაშაულის და ინტელექტუალური საკუთრების განყოფილების კიბერდანაშაულის ლაბორატორიის დირექტორი ოვი კეროლი უძღვებოდა.

"ტრენინგში საქართველოს პროკურატურის პროკურორებთან და გამომძიებლებთან ერთად  შინაგან საქმეთა სამინისტროს, სახელმწიფო უსაფრთხოების სამსახურის, ციფრული მმართველობის სააგენტოსა და ლევან სამხარაულის ექსპერტიზის ეროვნული ბიუროს თანამშრომლები მონაწილეობდნენ.

ტრენინგის ფარგლებში მონაწილეები გაეცნენ კრიტიკული ციფრული მტკიცებულებების ანალიზის მეთოდებს, საგამოძიებო მოქმედებების მაქსიმალურად სწრაფად და ეფექტიანად განხორციელების მიზნით. სწავლების შედეგად მიღებული ინფორმაცია კურსის მონაწილეებს დაეხმარება კომპიუტერულ სისტემებში ციფრული მტკიცებულებების ამოცნობაში, ასევე, მოპოვებული მტკიცებულებების სასამართლოში წარდგენის უნარების განვითარებაში.  სემინარი, ასევე მოიცავდა ეფექტური ციფრული გამოძიების ანგარიშის წერის ტექნიკებისა და ამ ანგარიშის სასამართლოში წარდგენის ტექნიკების შესახებ თეორიულ ნაწილს.

აღსანიშნავია, რომ სწავლება აშშ-ის საელჩოს იუსტიციის დეპარტამენტის მხარდაჭერით და ასვე გლობალური კიბერ ექსპერტიზის მრჩევლის (GCFA)/საერთაშორისო კომპიუტერული დანაშაულისა და ინტელექტუალური საკუთრების იურისტი მრჩევლის (ICHIP) პროგრამის ფარგლებში ჩატარდა.

პროექტის ფარგლებში დაგეგმილი აქტივობების განხორციელება მიმდინარე წელს დასრულდება",- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს